Nama utai ke sama ba tambai Jalur Gemilang, bungaimenua - Bungai Kenunsung, Lagu Negaraku, Rimau, Proton, Tugu Bujang Beranienggau Jata Menua? Kemayuh ari kitainemu Jalur Gemilang enggau Negaraku nya tambai enggau lagu menua kitai tangmayuh mega nembiak rebak baru enda nemu Bungai Kenunsung enggau Rimau nya megasimbol menua kitai.
Enti kitai kiruh deka merati dia kitai medagerempung ke bebesai enggau sektor prebet ngena simbol tu ba logi sida, ambikachunto baka Proton, Maybank, Universiti Malaya, Universiti Kebangsaan Malaysiaenggau Filem Negara Malaysia.
Taja pia, sayau-sayau buah kembayau, laban agi nyampau mega rayat Malaysia ke bedau nemu senentang reti ti bendar sereta utai ti dipilih nyadi simbol menua tu. Berapa iku kini rayat Malaysia ke nemu JalurGemilang, Negaraku, Bungai Kenunsung, Tugu Bujang Berani, Jaku Melayu, Rimau enggau Masjid Menua nya sebagi ari simbol menua kitai? Berapa iku ari kitai muras tauka kiruh enti bisi raban ke mandangka diri ringat nunu Jalur Gemilang ba mua laman Rumah Ambassador Malaysia baka ke kala nyadi di Jakarta suba?
Semua simbol tu nyereminka pengelala menua kitaike ukai semina enda ditemu bala nembiak rebak baru tang mega nyengkaum bala ketuai umur. Jaku rasmi iya nya Jaku Melayu, kerita bansa keterubah iya nyaProton Saga, Tugu Bujang Berani enggau Masjid menua enda tentu diperatika bala rebak ke biak. Anang alit ati enti sema bisi bala rayat menua tu ke enda nemu rimau nya mega sebengkah ari simbol menua. Utai ke balat ngalitka ati mega sidake gawa ba opis enggau raban akademik ke ngembuan tanggung pengawa bekaul enggau waris pesaka bansa enggau sejarah bela madah enda tentu nemu enti rimau nya mega dikira nyadi simbol menua.
Lebuh bejaku ba mua mayuh lebuh ti bejadika Langgur Rimau Bansa Malaysia 2008-2020, dia Menteri Pengeraja Asal enggau Rampa Menua, Datuk Douglas Uggah Embas madahka rimau nya dipilih nyadika simbol Malaysia laban ngembuan pengarap iya tau nyaga menua tu. Ku iya, gambar dua iku rimau nya digaga ngapit lambang Malaysia lalu diperati endang dalam gaya besedia belama napi utai ke tau nyadi.
Lebuh ke bejaku pasal pengawa ke belematika pengelala bansa, dia Tuai Pengarah Arkib Menua, Datuk Sidek mega madah nembiak rebak kemaya hari tu kurang bendar rapit enggau simbol menua. Iya madahka simbol tu nandaka penyerakup kaul, pengelikun enggau sejarah menua ke bisi kait iya mega enggau sejarah simbol nya empu. Iya madahka, ukai mudah deka ngakunka simbol sesebengkah menua laban iya beguna maya ti betaun-taun sebedau iya tau dikumbai simbol menua. Ambika banding, bungai rasmi menua iya nya Bungai Kenunsung. Iya dipilih sepengudah ngaturka pekit ti nyengkaum mayuh bungai bukai.
Taja pia, agi mayuh bala rayat ke enda belemati nilai ti tesilup ari simbol tu. Ukai semina nya, bisi mega bala mensia mayuh keenda nemu Bungai Raya nya bisi lima kelupak.
Lebuh ti ditanya pasal penyukup pekara tu dibantaika dalam turai pelajar sekula, dia iya madahka pekara nya endang chukup dikena meri penerang sereta penemu ngagai nembiak sekula ngambika sida nemu pemesai reti simbol nya. Semina ke nanggul ku iya nya mayuh bepanggai ba chara baka ni pekara tu dikenataika pengajar ngagai nembiak sekula.
Iya madahka enti ngelama tu pengajar semina nerang ngagai pelajar, tang sida mega tau ngubahka teknik ngajar, iya nya nanya tauka minta nembiak berandauka pasal simbolnya. Enggau chara nya, nembiak tau balat agi mereti retika simbol sereta nemu sejarah ke besilup dalam simbol tu.
Taja pia, iya mega madahka, penerang senentang simbol ti balat bisi nilai nya ukai semina dipejalaika ba sekula aja tang patut mega terus diatur ba tempat kereja, restoran enggau hotel. Ambika banding,mayuh restoran pemakai mayuh mandangka budaya Amerika nengah gambar koboi ti digantung ba dinding. Tu mih sebengkah ari chara orang Barat nguji nguing runding kitai. Nya alai penerang enggau penemu patut dibantai ba dini-dini endur baka di sekula, universiti, tempat kereja, restorn enggau di hotel. -Bernama
Tiada ulasan:
Catat Ulasan