Pemuka Jaku

Pemuka Jaku
Niat ati penulis nengkebang siti blog ngena jaku Iban ngambika jaku tu enda lenyau mabun laya nitihka aki ini kitai ke Serawai Mandai Betangga Tunggang lalu pia mega awakka iya tau nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang. Laman tu ukai semina ngenang pasal pemansang jaku Iban di sekula enggau budaya bansa Iban tang mega ngenang pekara pasal pengerindu diau begulai sejalai sereta bekunsi tuju pengidup enggau mayuh pupu raban bansa ba Malaysia. Kepenudi bendar, laman tu dikarapka ulih nyadika penyanding penemu ngagai bala nembiak ke agi belajarka jaku Iban baikka iya di tikas sekula, institut pematih pengajar tauka universiti.
"Dikelala Buah ari Langgu, Dikelala Basa ari Penyiru, Dikelala Bansa ari Jaku"

Selasa, 12 Jun 2012

Ngegap mentua, nunu moto


Leman berita tu nyadi ba Kangar, Perlis. Pekara tu nyadi ketegal ke enda puas ati enggau mentua lelaki ke ngujungka siku lelaki kempang ngegap orang tuai ke beumur 63 taun. Iya ngamangka lungga ba rekung apai tuai nya sebedau nunu motosikal petunggal ipar iya ke beumur  44 taun laban ke nguji ngerara seduai ke benung belaya nya. Pekara tu nyadi di Kampung Simpang Sanglang, kena Hari Minggu tu kemari. 

Sebedau pekara tu nyadi, apai tuai nya betemu enggau menantu iya ke beumur 26 taun ke datai sama enggau bini iya ke mega anak indu apai tuai nya. Nyadi tuju seduai ke datai nya laban deka mai menyadi ipar indu nya keluar ari rumah apai tuai nya maya jam 9 malam. 

Nitihka berita, suspek nya lalu ringat lebuh mentua iya enggai ngasih iya mai ipar iya keluar. Nama dih, lelaki nya lalu baka samseng ngamangka lungga ke mentua iya.

Tuai Polis Pelilih Menua Kangar, Superintendan Abdul Rahman Mohd Noordin madahka apai tuai nya enggai ngasuh suspek mai keluar anak indu iya ke beumur bebelas taun nya. –Harian Metro
Posted by at
Labels:

Tiada ulasan:

Catat Ulasan

Langgan: Catat Ulasan (Atom)