2.5 Atur Pengentap Guna Urup Vokal

Ba renggat ke sekali tu pekara ti deka dikenang ditu nya senentang vokal dalam sistem jaku Iban ti dikena di sekula kemaya hari tu. Pekara tu mungkur penerang pasal atur pengentap urup vokal, ubah pola sepil ti udah ditetapka sereta beberapa bengkah vokal berimbai.

2.5.1    Penerang pasal atur pengentap guna urup vokal

Sistem sepil tu digaga enggau naka ulih ngentapka guna urup vokal ti ngasilka dua patah sebut ngagai urat jaku ti alai iya ditawingka entara urup vokal ba patah sebut pradudi (iya ti lumur dua dudi) enggau urup vokal ti mandangka penetap tu:

(i)        Penyama entara dua urup vokal ba urat jaku. 

(ii)       Sekeda  leka  jaku  ti  ngundan  lebih  ari  dua  patah  sebut,  iya  ti  kena serangkung atur tu   

  semina dua patah sebut ti kepenudi aja.

Chunto:

Pola Pengentap Vokal
Patah sebut pradudi	Patah sebut penudi tetutup	Chunto
a	a	alah, abas, badak
a	e taling	are, ale, male
a	e pepet	ape, sape, lade
a	i	agih, manis, malik
a	o	kayo-kayo, atom
a	u	asuh, natuk, malut
e pepet	a	jelan, ketam, telan
e pepet	i	telih, benih, setik
e pepet	o	chego, setor,
e pepet	u	tepus, chelum, letup
e taling	a	lejar, mejar
e taling	i	objektif, efektif
e taling	e pepet	mesej, teres
e taling	o	petrol, sektor, rektor
e taling	u	petroleum, spektrum
i	a	ingat, kilas, nikam
i	e taling	tire, chire, gile
i	e pepet	kimek, tiket, chimek
i	i	tisik, milih, bilik
i	o	ripot, rikod, tripod
i	u	tisup, ribut, milut
o	a	pola, solar, polar
o	e pepet	broker, folder
o	i	fosil, orbit, hipokrit
o	u	bonus, forum, podium
u	a	upah, mutah, pusat
u	e pepet	snuker, skuter
u	e taling	chure, use, kuche
u	i	ulih, burit, surik
u	o	kupon, kukgo, chunto
u	u	turuh, muruk, mupuk

Dalam jaku Iban tulin, urup o semina diengkah ba ujung leka jaku. Taja pia, dalam jaku injau, urup o bisi dikena ba sebarang tempat, sekalika ba pun, tengah tauka ujung leka jaku.

2.5.2    Ubah pola sepil tauka tukuh sepil ti udah ditetapka dalam sistem sepil tu, baka ti di baruh tu:

Sepil Lama		Sepil Baru
Pola Sepil	Chunto	Pola Sepil	Chunto
a – e pepet	tasek, maseh	a – i	tasik, masih
a – e pepet	ape, sape	a – e	ape, sape
a – e taling	ngarey, tambey	a – e	ngare, tambe
a – o	taroh, ngasoh	a – u	taruh, ngasuh
e taling – a	merah	i – a	mirah, kilat
e pepet – o	melot, keroh	e pepet – u	melut, keruh
e pepet – e taling	serey, cheregey	e pepet – u	sere, cherege
e taling – e pepet	gelek	i – i	gilik
i – e	bilek, tilek	i – i	bilik, tilik
i – o	pitoh, sirok	i – u	pituh, siruk
o – a	rosak	u – a	rusak
o – e	boleh	u – i	bulih
u – e	mureh, burek	u – i	murih, burik
u – o	burok, tuboh	u – u	buruk, tubuh

2.5.3    Vokal berimbai

Bisi beberapa bengkah vokal berimbai

2.5.3.1 Vokal berimbai dua ti bemunyi seranyut panjai

Sekeda leka Jaku Iban bisi ngembuan munyi vokal ti seranyut panjai. Diatu  semua leka jaku ti ngembuan munyi vokal ti seranyut panjai enda agi ditulis ngena urup vokal berimbai dua, ti alai urup vokal ti kedua dalam leka jaku nya deka ditingkilka baka chunto ti di baruh tu.

Lama	Baru	Sepil Lama	Sepil Baru
aa	a	maang daang baan jaam-jaam	mang dang ban jam-jam
uu/uo	u	luung/ luong buul/ buol buuk/ buok buong	lung bul buk bung
ii/ie	i	liing/ lieng kelirieng liit/ liet siet	ling keliring lit sit

2.5.3.2 Vokal berimbai dua ti bisi berubah chara nyepil

Berindik ari atur ti enda ngena urup o lebuh ke nulis leka jaku Iban tulin,  nya alai semua leka jaku ti ngembuan dua vokal berimbai: oa, ao, io enggau oi, dia semua tempat vokal o dalam jaku Iban tulin ditambak vokal u. Kelimpah ari sida tu, vokal berimbai ei diatu disepil nyadi e lalu ie nyadi i aja. Taja pia, atur tu enda nyengkaum jaku injau.

       

Lama	Baru	Sepil Lama	Sepil Baru
oa	ua	moa menoa semoa	mua menua semua
ao	au	baong remaong paoh	baung remaung pauh
io	iu	beliong tiong engkiong	beliung tiung engkiung
oi	ui	maloi nyemboi siloi	malui nyembui silui
ei	e taling	serei ngemalei beterei	sere ngemale betere
ie	i	entelie jenggie serie	enteli jenggi seri

2.5.3.3 Vokal berimbai dua ti nadai berubah chara nyepil

Chunto:

Lama	Baru	Sepil Lama	Sepil Baru
ai	ai	pait rais lain	pait rais lain
au	au	aus taut saup	aus taut saup
ia	ia	lia biak sedia	lia biak sedia
iu	iu	biul liur siuh	biul liur siuh
ua	ua	dua luan tuat	dua luan tuat
ui	ui	duit ruik berui	duit ruik berui

Lebas:

Leka jaku tiga leka tu ditetapka disepil baka tu:

iya                   - ganti nama

ya                    - madahka reti au

iya nya            - leka jaku penunjuk

2.5.3.4 Vokal berimbai tiga nadai berubah chara nyepil

Chunto:

Vokal	Sepil Lama	Sepil Baru
iau	diau kechiau	diau kechiau
uai	ruai	ruai
aie	beraie chaie-chaie	beraie          chaie-chaie
uie	duie-duie tuie	duie-duie tuie

2.5.3.5  Vokal berimbai tiga ti berubah chara nyepil

Chunto:

Vokal	Sepil Lama	Sepil Baru
aia	maia semaia	maya semaya
aio	maioh sengaioh	mayuh sengayuh

2.5.4    Vokal sengian

Jaku Iban endang ngembuan sekeda vokal sengian ti enda nyengala disebut taja pan segenda ditulis ba leka jaku. Jaku Iban tulin endang nadai ngembuan turu konsonan st, rj, rt enggau rb. Lebuh disepil, sida mesti diselepakka enggau vokal e, lalu meri siti patah sebut ti menuku. Sepil leka jaku ti baka tu sigi tebalan ditemu dalam bup ti ditulis orang putih. Sida nyepil leka jaku tu nitihka sebut kaul dilah sida empu    lalu   enda   menatika sebut kaul dilah bansa Iban.

Chunto:

Suah Disepil	Patut Disepil
brita	berita
chermin	cheremin
chermat	cheremat
driba	deriba
grenti	gerenti
gertak	geretak
germai	geremai
kerja	kereja
serta	sereta
serba	sereba
terbai	terebai
tringkas	teringkas