Berengkah hari tu aku deka nguji bekunsi penerang senentang Sistem Sepil Jaku Iban ke bisi dikena ba sekula. Kebuah pia laban aku ngasaika nya siti ari tanggung pengawa aku ke nemu sistem nya lalu beniat deka magi penemu nya ngagai bala mayuh ke bisi nampil diri ba laman siber, sida ke ukai pengajar jaku Iban sereta mega ukai nembiak ke ngambi mata pelajar jaku Iban baik nya di sekula primari, sekondari, institut pematih pengajar enggau UPSI sereta UNIMAS.
Tang nadai salah mih enti sida ke udah disebut nya deka sama enggau orang luar macha sereta betatika sistem sepil ke udah dikena di sekula. Nyadi sistem sepil ke dikena diatu di sekula nya berengkah dikena dalam dalam 2007 dikena nganti sereta ngemanahka agi sistem sepil jaku Iban ke dikeluarka Yayasan Kebudayaan Dayak 2003. Siti agi kebuah sistem sepil tu dikeluarka maya nya 2007 laban dikena napi pemansang jaku Iban kelebih agi lebuh iya udah datai ba tikas Sijil Pelajaran Malaysia (SPM).
Pengarang ngarapka penerang senentang sistem sepil tu ulih mantu nyaup sereta ulih ngiring sereta ngembing sida pemacha ke bisi pengerindu deka nulis ngena jaku Iban standard ke dikena di sekula kemaya hari tu.
Tiada ulasan:
Catat Ulasan