I-Think

Nama program I-Think?

Program I-Think nya program dikena ngangkat sereta ngaga pengelandik bepikir nyadi budaya ba nembiak sekula ngambika ulih ngasilka nembiak ti berinovatif.

Nama ke diadang ari program I-Think?

1.    Ngena kereban bepikir tauka Thinking tools nembiak deka fokus      agi lalu ngembuan pengarap maya dalam kelas.

2.                Aktiviti bepusat ba nembiak.

3.              Prestasi nembiak deka niki udah sida ngena kereban bepikir dalam  pengawa belajar enggau ngajar.

4.            Kaul pengajar enggau nembiak majak rapit agi laban pengajar nyadi  fasilitator.

Laman Rasmi program I-Think:

Dalam taun 2012 Projek I-Think udah dipejalaika ba sepuluh buah sekula lalu dipajak ngagai kira-kira 1,000 buah agi sekula ke bukai taun 2013 lalu ngagai semua sekula bukai mega dalam taun 2014. 

Program I-Think nya projek segulai Opis Menteri Pelajar enggau Agensi Inovasyen Malaysia. Tuju munyi ke udah disebut ba atas nya dikena meransang pengelandik bepikir tikas tinggi enggau inovasyen ba tikas sekula primari enggau sekondari. 

Dalam pun taun 2012, sepuluh buah sekula udah dipilih ari serata menua Malaysia nyadi sebagi ari projek rintis dikena ngemunka proses bepikir ngagai nembiak sekula. 

Kelimpah ari nya mega, opis menteri mega dalam proses ngatur program transformasyen ba sistem pelajar nengah chara ngangkatka standard belajar enggau ngajar. 

Nengah program I-Think tu, opis menteri mega nguji nyerap proses bepikir dikena mantu nembiak mereti sesebengkah konsep enggau aplikasyen konsep nya lebuh mutarka sesebengkah penanggul ti diberi. 

Pengelandik nya mega deka nyadi sebagi ari modul ba Institut Pematih Pengajar (IPG) dikena nentuka sida ke pansut nyadi pengajar nya chukup dilatih lalu besedia ngenataika teknik program I-Think sepengudah tembu pelajar sida. 

Simpul Penemu

Langkah rapat ti baka tu nya siti ari pemun ti beguna dikena ngangkatka tikas sistem pelajar menua ngambika aspirasyen holistik Falsafah Pendidikan Kebangsaan ulih dijapai.