Pemuka Jaku

Pemuka Jaku
Niat ati penulis nengkebang siti blog ngena jaku Iban ngambika jaku tu enda lenyau mabun laya nitihka aki ini kitai ke Serawai Mandai Betangga Tunggang lalu pia mega awakka iya tau nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang. Laman tu ukai semina ngenang pasal pemansang jaku Iban di sekula enggau budaya bansa Iban tang mega ngenang pekara pasal pengerindu diau begulai sejalai sereta bekunsi tuju pengidup enggau mayuh pupu raban bansa ba Malaysia. Kepenudi bendar, laman tu dikarapka ulih nyadika penyanding penemu ngagai bala nembiak ke agi belajarka jaku Iban baikka iya di tikas sekula, institut pematih pengajar tauka universiti.
"Dikelala Buah ari Langgu, Dikelala Basa ari Penyiru, Dikelala Bansa ari Jaku"

Sabtu, 30 Januari 2016

Unit 1 1.3 Raban Jaku Pengawa



Raban jaku pengawa dikena nyebut kereja. Jaku pengawa tu leka jaku ti nyadi pugu ba rambai jaku pengawa. Raban jaku pengawa tau dibagi ngagai dua bengkah, iya nya jaku pengawa intransitif enggau jaku pengawa transitif. Leman jaku pengawa nya baka ke diterang ngena grafik tu:


jaku pengawa
jaku pengawa transitif

jaku pengawa intransitif


Grafik tu nunjukka raban jaku pengawa


1.3.1  Jaku Pengawa Intransitif

Jaku pengawa intransitif nya jaku pengawa ti enda ulih nerima jaku nama nyadi objek iya tang tau ditangkan jaku penerang tauka rambai jaku penempat ti nyadi penerang.

Chunto:

1. Igat tinduk.
2. Igat duduk dedugau.
3. Sida Igat sebilik bemalam di hotel.


1.3.2  Jaku Pengawa Transitif

Jaku pengawa transitif nya jaku pengawa ti mesti  ditangkan jaku nama ti nyadi objek ayat.

Chunto:

4. Bani nyait tanchut.
5. Mayau nya makai chit tanah.
6. Ginti Wat bulih ikan tuman.

Posted by at
Labels:

Tiada ulasan:

Catat Ulasan

Langgan: Catat Ulasan (Atom)