Aku deka belagu, dinga kita semua
Nampung Sengalang Burung, Tuntung Menaul Banda
Nyadika kitai cherita, penusah kami aba sekula
Ari pun bulan January nyentukaka maya dia
Puas bekeranas ngiga arus komputer
Keretas baka uras bejumbuh ba atas mija
Pemedis bai PBS ngasuh pengajar gila
Penusah majak nambah sekumbang penatai iya
Idung nyau sedengung buk rarah belama
Ati tusah berari maya nurun kereja
Dulu ga tubuh gemu, diatu nyau ayan tali gita
Buk baka dikusuk, pala majak kaka
Makai kami enggai asai ke nadai selera
Ngenang ubah pemansang ti tau ngasuh ngerinsa
Ukai kami enggai, buruk ngaga kereja
Pedis ngajar di entigis, enda ulih ngisi data
Pengetua suah bedawa ngumbai enggai kereja
Ukai iya ngasai mina bejaku aja
Tu naka jaku mantaika serebana
Penekul ukai penanggul ngemansangka raban bansa
Pagila kitai meleka pulai ke sekula
Ngetu aku belagu ila nampung iya.
[ Ditulis: Pengajar Serebana]
Tiada ulasan:
Catat Ulasan