Unit 9 Rambai Jaku Penempat

9.1       Pun Jaku

Rambai jaku penempat nya rambai jaku ti digaga bepunka leka jaku penempat ti ditangkanka rambai jaku nama. Chunto sekeda ari jaku penempat dalam jaku Iban nya baka: di, ke, ari, ngagai, nuju, nengah, suh, ngusung, ungkup, bagi, enggau, senentang, sampai enggau ti bukai.

9.2       Tukuh Rambai Jaku Penempat

Rambai jaku penempat tau digaga nitihka tukuh ti baka tu:

(i)    Jaku Penempat + Rambai Jaku Nama

(ii)   Jaku Penempat + (Jaku Adap) + Rambai Jaku Nama

(iii)  Jaku Penempat + (Jaku Adap) + Rambai Jaku Nama +    

 (Rambai Jaku Penerang)

Peratika chunto rambai jaku ti nangkan tu:

9.2.1  Jaku Penempat + Rambai Jaku Nama

Rambai Jaku Penempat
Leka Jaku Penempat	Rambai Jaku Nama
ngagai ba di ke ari ungkup enggau ngena kena sampai sekumbang	menua India sekula ruai tanah seberai ubung taya nembiak penempap lalat tali tansi hari minggu pagi musim kemarau

9.2.2  Jaku Penempat + (Jaku Adap) + Rambai Jaku Nama

Rambai Jaku Penempat
Leka Jaku Penempat	Rambai Jaku Nama
	Jaku Adap	Jaku Nama
ngagai ba di ke ke ari ngena	selatan mua - dalam - luar belakang	India pintu rumah bilik bilik bilik pechara duku

9.2.3      Rambai Jaku Penempat + (Jaku Adap) + Rambai Jaku Nama + 

            (Penerang)

Rambai Jaku Penempat
Jaku Penempat	Rambai Jaku Nama		Penerang
	Jaku Adap	Rambai Jaku Nama
ngagai ngagai ngagai ari	selatan timur - utara	menua India menua China menua Amerika menua Sarawak	taun nyin suba - - enggau sida sebilik

Elemen penerang mega ulih ditunsangka baka ba chunto ayat tu:

1.   Taun nyin suba Rujis nemuai ngagai selatan menua India.

2.   Enggau sida sebilik Galang datai ari utara menua Sarawak.

9.3   Penuduk Rambai Jaku Penempat dalam Ayat

Rambai jaku penempat mega tau nyadi predikat lalu tau mega nyadika  penerang. Chunto:

9.3.1    Predikat Rambai Jaku Penempat

3.   Sida sebilik ke kebun getah.

4.   Pesan tu ari apai Budin.

5.   Temuai nya ari menua Jipun.

9.3.2    Rambai Jaku Penempat Nyadi Penerang

Rambai jaku penempat tau nyadi penerang ke rambai jaku pengawa, rambai jaku adjektif, rambai jaku nama baka chunto ti nangkan tu:

(i)   Rambai jaku penempat nyadika penerang rambai jaku pengawa

6.   Bilun nya deka angkat maya pukul tujuh lemai. (maya)

7.   Aki Jurai malu ular ngena batang penyapu. (pekakas)

8.   Indu nya bejaku munyi semalau. (banding)

9.   Iya datai enggau indai iya. (nyeretai)

10. Sida bekenang ke  pekara ti nyadi demalam. (pekara)

(ii)  Rambai jaku penempat nyadika penerang rambai jaku adjektif

11. Nembiak nya ganggam baka beruang. (banding)

12. Rumah orang kaya nya manah baka istana raja. (banding)

13. Kami selalu aus maya tengah hari. (maya)

14. Pemakai patut beresi ngambika pengerai kitai meruan. (tuju)

15. Nembiak nya pandai dalam semua mata pelajar. (pekara)

(iii)  Rambai jaku penempat nyadika penerang rambai jaku nama

16. Rumah panjai di tebing sungai nya panjai bendar. (pekara)

17. Penyauh sungai ari rumah nya kira-kira seratus meter. (seraka)

18. Program baru nya ungkup peninga nembiak. (tuju)

9.4   Simpul Penemu

Ari kerembai jurai pasal tukuh rambai jaku penempat di atas tadi, kitai ulih beratika tukuh rambai jaku penempat dalam jaku Iban endang selalu dikena dulu ari jaku nama.