Nembiak rebak baru bansa Iban endang patut bendar diperansang ngintu lalu ngemeratka jaku asal bansa diri kelimpah ari ngemeranka adat asal enggau penemu tuai. Pengawa meransang tu patut terus dipejalaika berengkah ari diatu enggaika jemah ila semua tu udah lesi dibai hari, pupus dibai arus pemansang ubah dunya.
Sida ke nembiak diatu patut ngaya, ngintu sereta terus ngemeranka enggau manah semua main, adat asal, penemu tuai enggau pesaka lama asal bansa diri enggaika se
mua utai tu lus lalu nadai betampung .
Pengawa Opis Pelajar Sarawak (JPS) ti ngatur Pekit Sampi/Biau 2009 nya siti pengawa ti manah amat dikena narit sereta ngumpan pengerindu ati bala nembiak sekula Iban kediatu pasal pemanah enggau penulin adat bansa asal raban bansa diri.
Ari ti ngatur pengawa ti bakatu, bala raban nembiak rebak baru kemaya hari tu kelebih agi bala nembiak sekula bisi ati sereta ransing deka belabuh belajar sereta ensepi pemanah jaku asal bansa diri, adat, penemu tuai sereta pesaka lama ke ngelamatu nadai entu reti ba sida.
Kelimpah ari nya, bala raban nembiak rebak baru Iban kediatu enda tau ngembuan pemalu belajarka adat enggau main asal bansa diri. Sida patut keran agi belajar pasal pekara tu enggaika sida enda nemu asal penatai bansa diri. Jaku Iban naka ke diatu ulih dikemansangka ngagai tikas ke tinggi agi, enti bala nembiak enggau bala pengajar keran deka ngemansangka iya ngena jalai kreatif enggau inovatif. Pengawa bansa tu ulih mansang kelebih agi lebuh nulis karang tauka nengkebang leka main baka pantun, leka lagu enggau ke bukai.Pemanah tusun enggau jalai jaku ke dikena lebuh nengkebang sesebengkah karang tauka leka main ulih nambahka pengaya sereta pengelebat leka jaku sereta ngemanahka agi tempalai kena enggau tibar jaku diri empu.
Dalam pengawa ngemansangka adat enggau main asal bansa Iban, ngambika Iban terus dikelala nyulut dalam pengaya enggau pemanah jaku ngagai jemah ila, bala pengajar enggau nembiak patut berani ngenataika karang tauka leka main sida enggau chara ti kreatif enggau inovatif. Chara sereta pengawa tu ulih diselit sereta disilup dalam semua pengawa nya tadi.
Nya alai semua bala Iban ke bisi penyiru ke jaku Iban patut sama-sama bejalaika tanggung pengawa diri empu, narak pengerindu ngagai bala rebak baru awakka sida keran agi deka belajar pasal jaku bansa diri, adat enggau main asal bansa ke endang chukup kaya sereta dikemegahka semua di menua kitai tu.
Sida ke nembiak diatu patut ngaya, ngintu sereta terus ngemeranka enggau manah semua main, adat asal, penemu tuai enggau pesaka lama asal bansa diri enggaika se
mua utai tu lus lalu nadai betampung .Pengawa Opis Pelajar Sarawak (JPS) ti ngatur Pekit Sampi/Biau 2009 nya siti pengawa ti manah amat dikena narit sereta ngumpan pengerindu ati bala nembiak sekula Iban kediatu pasal pemanah enggau penulin adat bansa asal raban bansa diri.
Ari ti ngatur pengawa ti bakatu, bala raban nembiak rebak baru kemaya hari tu kelebih agi bala nembiak sekula bisi ati sereta ransing deka belabuh belajar sereta ensepi pemanah jaku asal bansa diri, adat, penemu tuai sereta pesaka lama ke ngelamatu nadai entu reti ba sida.
Kelimpah ari nya, bala raban nembiak rebak baru Iban kediatu enda tau ngembuan pemalu belajarka adat enggau main asal bansa diri. Sida patut keran agi belajar pasal pekara tu enggaika sida enda nemu asal penatai bansa diri. Jaku Iban naka ke diatu ulih dikemansangka ngagai tikas ke tinggi agi, enti bala nembiak enggau bala pengajar keran deka ngemansangka iya ngena jalai kreatif enggau inovatif. Pengawa bansa tu ulih mansang kelebih agi lebuh nulis karang tauka nengkebang leka main baka pantun, leka lagu enggau ke bukai.Pemanah tusun enggau jalai jaku ke dikena lebuh nengkebang sesebengkah karang tauka leka main ulih nambahka pengaya sereta pengelebat leka jaku sereta ngemanahka agi tempalai kena enggau tibar jaku diri empu.
Dalam pengawa ngemansangka adat enggau main asal bansa Iban, ngambika Iban terus dikelala nyulut dalam pengaya enggau pemanah jaku ngagai jemah ila, bala pengajar enggau nembiak patut berani ngenataika karang tauka leka main sida enggau chara ti kreatif enggau inovatif. Chara sereta pengawa tu ulih diselit sereta disilup dalam semua pengawa nya tadi.
Nya alai semua bala Iban ke bisi penyiru ke jaku Iban patut sama-sama bejalaika tanggung pengawa diri empu, narak pengerindu ngagai bala rebak baru awakka sida keran agi deka belajar pasal jaku bansa diri, adat enggau main asal bansa ke endang chukup kaya sereta dikemegahka semua di menua kitai tu.
Tiada ulasan:
Catat Ulasan