Satu Malaysia segulai sejalai nya tema tauka sulu jaku dikena lebuh ngintu pengerami Hari Gawai Dayak ba tikas bansa. Pengerami nya diintu ba stadium Perpaduan, Kuching kena 13 Jun2009.
Ngerami gawai dayak besuluka jaku nya endang amat manah sereta engkeman kemaya hari tu besenutuk enggau sulu jaku Menteri Besai ke nyebut Satu Malaysia, Rakyat Didahulukan Pencapaian Diutamakan. Taja pia tema segulai sejalai tu enti dipansik enggau dalam suah amat dikena nyadika tema pengerami gawai. Nyau deka ninting taun kitai ninga rambai jaku tu dikena nyadika tema pengerami.
Satu Malaysia segulai sejalai nadai salah diangkat nyadika tema ninting taun. Tang pekara ke nyadi isu nya empas ari tema nya ngagai rayat Malaysia. 52 taun Malaysia udah ngelengkaka diri ari diperintah British tang sampai ke sehari tu penyerakup kaul antara bansa agi mega disebut. Di Sarawak, ulah begulai sejalai enggau pangan diri ukai ari bansa ti sama nadai kala nyadika penanggul. Pia mega enggau bala rayat Malaysia di Sabah.
Pekara tu tebal agi nyadika penanggul ba Semenanjung Malaysia. Kebuah pia, datai ke sehari tu agi mayuh bala rayat Malaysia di semenanjung Malaysia enda nemu senentang adat, daya idup enggau main asal bansa bumiputera di Sabah enggau Sarawak.
Agi bisi sida betanyaka nama pengerami ti diintu orang Iban. Nama bida Iban enggau Dayak. Tanya ti baka tu suah amat ditanya ngagai orang ke empu bansa nya. Kemaya hari tu mayuh amat bala Dayak udah bejalai bekereja ba menua Semenanjung. Sida tu mih kekadang madah ngagai bala pangan sida di Semenanjung. Taja pia pengawa ngerembaika berita senentang adat asal, daya idup orang Bumiputera di Sabah enggau Sarawak enda patut dilempai ba bau sida tu aja.
Kebuah pia, ukai semua bala sida tu bisi penemu ti dalam senentang adat, daya idup enggau main asal diri empu enti nadai dicherita tauka dipelajar. Nya alai kekadang kitai bisi tedinga berita ti salah tampung, jaku ti salah padah senentang pekara.
Segulai Sejalai Satu Malaysia endang manah enti semua rayat nemu batang pekara sereta juluk ati ti deka dijapai bepelasarka tema nya. Sebedau kitai ulih segulai sejalai antara pangan diri tentu kitai deka nemu enggau silik ati budi pangan diri. Segulai sejalai satu Malaysia indah enda baka orang ti deka belaki bebini. Baka ni kitai melaki bini ulih segulai sejalai enti nadai bekelala enggau pangan diri.
Ngerami gawai dayak besuluka jaku nya endang amat manah sereta engkeman kemaya hari tu besenutuk enggau sulu jaku Menteri Besai ke nyebut Satu Malaysia, Rakyat Didahulukan Pencapaian Diutamakan. Taja pia tema segulai sejalai tu enti dipansik enggau dalam suah amat dikena nyadika tema pengerami gawai. Nyau deka ninting taun kitai ninga rambai jaku tu dikena nyadika tema pengerami.
Satu Malaysia segulai sejalai nadai salah diangkat nyadika tema ninting taun. Tang pekara ke nyadi isu nya empas ari tema nya ngagai rayat Malaysia. 52 taun Malaysia udah ngelengkaka diri ari diperintah British tang sampai ke sehari tu penyerakup kaul antara bansa agi mega disebut. Di Sarawak, ulah begulai sejalai enggau pangan diri ukai ari bansa ti sama nadai kala nyadika penanggul. Pia mega enggau bala rayat Malaysia di Sabah.
Pekara tu tebal agi nyadika penanggul ba Semenanjung Malaysia. Kebuah pia, datai ke sehari tu agi mayuh bala rayat Malaysia di semenanjung Malaysia enda nemu senentang adat, daya idup enggau main asal bansa bumiputera di Sabah enggau Sarawak.
Agi bisi sida betanyaka nama pengerami ti diintu orang Iban. Nama bida Iban enggau Dayak. Tanya ti baka tu suah amat ditanya ngagai orang ke empu bansa nya. Kemaya hari tu mayuh amat bala Dayak udah bejalai bekereja ba menua Semenanjung. Sida tu mih kekadang madah ngagai bala pangan sida di Semenanjung. Taja pia pengawa ngerembaika berita senentang adat asal, daya idup orang Bumiputera di Sabah enggau Sarawak enda patut dilempai ba bau sida tu aja.
Kebuah pia, ukai semua bala sida tu bisi penemu ti dalam senentang adat, daya idup enggau main asal diri empu enti nadai dicherita tauka dipelajar. Nya alai kekadang kitai bisi tedinga berita ti salah tampung, jaku ti salah padah senentang pekara.
Segulai Sejalai Satu Malaysia endang manah enti semua rayat nemu batang pekara sereta juluk ati ti deka dijapai bepelasarka tema nya. Sebedau kitai ulih segulai sejalai antara pangan diri tentu kitai deka nemu enggau silik ati budi pangan diri. Segulai sejalai satu Malaysia indah enda baka orang ti deka belaki bebini. Baka ni kitai melaki bini ulih segulai sejalai enti nadai bekelala enggau pangan diri.
Tiada ulasan:
Catat Ulasan