Pemutus peresa Sijil Pelajaran Malaysia (SPM) 2009 baru-baru tu ngayan ngagai kitai senentang tikas pengulih akademik nembiak ringkat sekondari ba menua tu. Ari 364,046 calon ke ngambi peresa, 1.99 peratus (6,277 nembiak) bulih gred lati tauka cemerlang (1.6 peratus 2008). Tu dikira manah amat. Enti dikira sekali, penyampau calon ke bulih sijil betambah 16,603 taja pan peratus iya agi 90.8 peratus iya nya sebaka enggau taun 2008.
Taja pia, pemujur pemutus bidang akademik tu dikarapka mega ngayan pengulih kualiti sahsiah nembiak. Enti mayuh kes sosial enggau pengawa ke salah ti nyerangkung bala nembiak sekula nyadi, iya tau dikaul enggau empas pelajar enggau chara narak disiplin enggau sahsiah nembiak. Pemutus penemu Kementerian Pelajaran meri peluang sereta ngemeratka pengawa sukan enggau pengawa dalam bidang kokurikulum lebuh nguji prestasi pengulih nembiak patut bendar diterima kitai. Semua aktiviti dalam dua pengawa tu meri impak besai ngagai minda, emosyen enggau ulah ke nyadi elemen dalam proses narak sahsiah ke manah. Dalam jaku mudah, reti nya opis menteri pelajar kemaya hari tu deka balat agi ngemeratka aspek sukan enggau kokruikulum.
Asil ari pekara nya, Majlis Permuafakatan PIBG Kebangsaan ngenataika sekeda tuduh penemu. Gerempung tu minta opis menteri pelajar mega ngemeratka pengawa ke bekaul enggau disiplin pelajar. Antara chara ke dituduh gerempung nya minta perintah merati sereta ngaga baru turai mata pelajar Pendidikan Islam sereta Pendidikan Sivil dan Moral. Kelimpah ari ngenataika pekara ke bekaul enggau pengarap, turai pelajar kedua-dua mata pelajar patut bendar sarat enggau nilai ajar manah ke ulih diserap nembiak sepemanjai proses narak sereta ngaga langkar sahsiah sida sebedau sida ngangkatka diri nyadi orang bujang tauka orang besai tuai. Empa pelajar ke bisi standard ukai semina bepanggai ba sijil, tang dipeda ari chara idup nembiak ke balat agi bemoral sereta ngembuan ulah ke manah.
Pemujur sistem pelajar (pendidikan) mega bisi kaul rapat enggau pengibuh sereta pengiruh apai indai dalam proses ngajar enggau narak anak baikka di rumah tauka nengah chara ke enda terusg di sekolah. Pekara ke manah amat nya lebuh sida tu ngeregaska diri dalam Gerempung Apai Indai engga Pengajar (PIBG). Sida ulih nampil berandau sechara dua mata lalu ukai nyadika gerempung alai sida mantah pengawa pengajar. Iya tau meri empas ke besai ngagai bala nembiak enti bala apai indai bekonflik enggau pengajar tauka institusyen pelajar.
Nya alai lebuh semua bala ngemeratka aspek IQ lebuh ke nyukat tikas pengulih siku-siku, aspek EQ (emotional quotient) mega patut dipejalaika. Ukai semina dua pekara nya aja tang nyengkaum ngangkatka SQ (spiritual quotient) nembiak ke bekaul enggau pengarap, ulah sereta ajar manag (nilai murni) ke dirangkum dalam istilah ti dikumbai pembinaan sahsiah. Kesemua tiga pekara tu enda ulih ditinggalka sekali.
Kepenudi bendar tu, bisi kaul enggau FQ (family quotient). FQ nya sepekara agi ti tau nentuka pengulih nembiak jemah ila. Iya bisi kait enggau pengulih akademik, ngembuan ulah ke manah sereta emosyen ke stabil. Nya alai, pemujur nembiak ba SPM patut balat bendar bepanggai ba keempat-empat elemen tu ke ngasuh sida ulih masuk instituyen pelajar tinggi sebedau sida keluar nyadi sebagi ari kitai mayuh. Sida tu patut sanggup sama-sama enggau kitai semua ngemansangka menua sereta ngangkatka bansa, pengarap enggau menua.
Kepenudi bendar tu, bisi kaul enggau FQ (family quotient). FQ nya sepekara agi ti tau nentuka pengulih nembiak jemah ila. Iya bisi kait enggau pengulih akademik, ngembuan ulah ke manah sereta emosyen ke stabil. Nya alai, pemujur nembiak ba SPM patut balat bendar bepanggai ba keempat-empat elemen tu ke ngasuh sida ulih masuk instituyen pelajar tinggi sebedau sida keluar nyadi sebagi ari kitai mayuh. Sida tu patut sanggup sama-sama enggau kitai semua ngemansangka menua sereta ngangkatka bansa, pengarap enggau menua.
Tiada ulasan:
Catat Ulasan