Pemuka Jaku

Pemuka Jaku
Niat ati penulis nengkebang siti blog ngena jaku Iban ngambika jaku tu enda lenyau mabun laya nitihka aki ini kitai ke Serawai Mandai Betangga Tunggang lalu pia mega awakka iya tau nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang. Laman tu ukai semina ngenang pasal pemansang jaku Iban di sekula enggau budaya bansa Iban tang mega ngenang pekara pasal pengerindu diau begulai sejalai sereta bekunsi tuju pengidup enggau mayuh pupu raban bansa ba Malaysia. Kepenudi bendar, laman tu dikarapka ulih nyadika penyanding penemu ngagai bala nembiak ke agi belajarka jaku Iban baikka iya di tikas sekula, institut pematih pengajar tauka universiti.
"Dikelala Buah ari Langgu, Dikelala Basa ari Penyiru, Dikelala Bansa ari Jaku"

Jumaat, 1 Julai 2011

30% nembiak enda ngirup pagi

Nitihka pansik UKM enggau Dutch Lady Malaysia madahka lebih 30 peratus nembiak sekula ba serata menua tu ditemu nadai ngirup pagi. Kelimpah ari nya mega pansik nya madahka bala nembiak sekula tu selalu amat makai jauh malam.


Ulah ti baka nya ngujungka sida enda tentu ulih masuk belajar lebuh ba dalam kelas. Ulah nya mega ngujungka mayuh amat bala nembiak ngembuan penanggul obesiti tauka kelalu gemu. 


Tuai Opis Pemakai enggau Universiti Kebangsaan Malaysia (UKM) Prof. Madya Dr. Poh Bee Koon madahka nya belalauka pansik ti udah dipejalaika taun nyin kemari ba nembiak ke baruh umur 12 taun.


Ngirup pagi nya beguna amat ngagai sel untak nembiak ngambika untak ulih bejalai enggau manah. Kelimpah ari nya iya mega ulih nyeliah nembiak nya ari berasai lelak lebuh pagi hari.


Taja pia ,agi bisi sekeda apai indai enda tentu ibuh ke pekara tu. Sida nadai nyediaka pemakai maya pagi lalu meransang anak sida ngirup sebedau nurun ke sekula. - Kosmo
Posted by at
Labels:

Tiada ulasan:

Catat Ulasan

Langgan: Catat Ulasan (Atom)