Taun tu kitai ngintu ulang taun merdeka ke-54. Tu mih maya rayat Malaysia kelebih agi bala nembiak rebak baru ari pupu raban bansa patut mandangka semangat patriotik enggau penyayau sida ngagai menua. Ulah ti baka tu ukai dipejal tang patut datai ari ati diri empu ke deka sama enggau ngintu pengada Malaysia nyadi sebuah menua ke merdeka.
Nadai utai ke balat agi berega ari ngasaika buah merdeka dalam menua ke penuh pengelantang sereta nadai penyarut. Enda semua bansa di dunya tu ulih ngasaika pengelantang ti baka tu taja pan sida nyangka udah dilepas ari perintah penjajah.
Kitai patut nyaga sereta ngetan semua utai ke udah dijapaika kitai naka ke diatu enggau penuh pemereti sereta nadai belampung ati. Nya alai enggau naka ulih kitai enda tau ngemendarka ideologi ekstrem nengah nama-nama chara sekali pan, ngemechahbelahka menua ke dikerinduka kitai laban tu mih endur kitai ada, diau enggau bekereja lalu ngujungka kitai dikuburka lebuh ke udah danjan dibai bulan.
Nya alai, kitai patut beterima kasih ke pengelantang sereta pengelikun ke dibai arus merdeka tu ngagai bansa enggau menua Malaysia. Lebuh kitai ngintu Hari Merdeka ke-54, 31 August tu, kitai patut sama-sama betatika reti merdeka enggau patriotisme ngambika kitai ulih belematika nilai ke bendar reti pengelepas ke diasaika kitai kemaya hari tu.
Patriotisme mai reti pengasai ati enggau ulah ke besedia berambunka nyawa ngetanka tanah ai. Patriotisme ukai semina negika tambai Jalur Gemilang aja lebuh nyambut penatai ulang taun merdeka tauka beuniform kemas sereta bekawad enggau gaya manah. Iya siti komitmen, pengasai ati ti dalam, semengat ti dibelemati, terang sereta ransing lebuh dipinta maya ti patut.
Dalam konteks kemaya hari tu, patriotisme ulih diperatika ari chara ulah, semengat enggau pengawa ti dikerejaka kitai nuju pekara ti bejagaka imej, bansa enggau menua dalam mayuh bengkah bidang pengidup baka ekonomi, politik, sosial, kaul antarabangsa, kedaulatan, budaya, pengarap, pengelikun, undang-undang enggau ke bukai. Ulah patriotik mega patut nyengkaum pengawa ti deka ngangkatka tikas bansa enggau menua sereta mai pemeri ngagai ketamadunan mensia, pengerurus sosial, pengelikun enggau pengelantang semua.
Patriotisme patut diperansangka ba nembiak rebak baru laban iya ulih nyamin pengetan nasional. Iya mega diperatika ulih mai pengering dikena ngetanka menua ari sebarang tukuh pengachau tauka penyarut (ari dalam enggau luar nengeri). Enggau nya iya ulih nentuka menua-bansa tu stabil, tegap sereta ulih terus mansang.
Patriotisme mai reti pengasai ati enggau ulah ke besedia berambunka nyawa ngetanka tanah ai. Patriotisme ukai semina negika tambai Jalur Gemilang aja lebuh nyambut penatai ulang taun merdeka tauka beuniform kemas sereta bekawad enggau gaya manah. Iya siti komitmen, pengasai ati ti dalam, semengat ti dibelemati, terang sereta ransing lebuh dipinta maya ti patut.
Dalam konteks kemaya hari tu, patriotisme ulih diperatika ari chara ulah, semengat enggau pengawa ti dikerejaka kitai nuju pekara ti bejagaka imej, bansa enggau menua dalam mayuh bengkah bidang pengidup baka ekonomi, politik, sosial, kaul antarabangsa, kedaulatan, budaya, pengarap, pengelikun, undang-undang enggau ke bukai. Ulah patriotik mega patut nyengkaum pengawa ti deka ngangkatka tikas bansa enggau menua sereta mai pemeri ngagai ketamadunan mensia, pengerurus sosial, pengelikun enggau pengelantang semua.
Patriotisme patut diperansangka ba nembiak rebak baru laban iya ulih nyamin pengetan nasional. Iya mega diperatika ulih mai pengering dikena ngetanka menua ari sebarang tukuh pengachau tauka penyarut (ari dalam enggau luar nengeri). Enggau nya iya ulih nentuka menua-bansa tu stabil, tegap sereta ulih terus mansang.
Sejarah dulu suba nyadika chermin kitai jemah ila. Kitai patut mayuh belajar ari utai ke udah nyadi dulu menya. Bansa ti enda nemu sejarah nya enda ulih mansang jemah ila. Nya alai, kitai patut belematika sejarah sida ke udah ngelepaska menua kitai ngambika ulih mujur baka ke dipeda kemaya hari tu.
Dikena nentuka semua peranak menua Malaysia ulih idup likun sereta lantang, kitai semua patut ngembuan tanggung pengawa kediri empu. Enda ngira kitai nya nembiak sekula, pengajar, tauka pekereja pengawa selama, kitai nya mih individu enggau gerempung ke ulih ngangkat sereta ngemansangka menua Malaysia.
31 Ogos nya haribulan ti besejarah ke patut dikeingatka tiap-tiap serak komuniti ketegal haribulan tu mih menua kitai bulih merdeka, lepas ari digenggam penjajah British. Tu nunjukka menua kitai nya menua ke merdeka sereta berdaulat ke ulih bediri atas kaki diri empu sereta bejalaika pengawa perintahan kediri nadai nitihka kuing rundin sida penjajah.
Merdeka mega patut ulih ngerakka rayat nemu menua kitai tu lepas ari penjajah nengah chara ke enda bebunuh. Rayat Malaysia patut beterima kasih ke merdeka ti udah dijapai laban nengah merdeka rayat ulih ngasaika pemujur dalam semua aspek pengidup.
Pengerami hari ulang taun merdeka ngembuan reti ti chukup dalam lalu semina sida ke mereti enggau ngembuan penyayauka tanah ai ulih nerangka reti ulang taun pengerami merdeka tu enggau nemban.
Nya alai 31 August nya haribuan ke chukup mai reti sereta nadai ulih dibandingka. Merdeka patut dikemeratka lalu dipelematika ngambika iya enda lari ari jalai ke bendar. Pengerami ulang taun hari bansa ke-54 taun tu dikearapka ulih ngentapka agi semengat patriotisme enggau kaul pupu raban bansa semua rayat Malaysia, setipak enggau konsep 1Malaysia.
Mayuh orang nganggap pekara ti bekait enggau penyerakup nya pekara ti mudah. Tu runding ti salah laban dalam komuniti ti mayuh pupu bansa, pengarap enggau budaya ke bebida baka Malaysia, pengawa ke negap sereta nyaga penyerakup patut terus dipejalai sereta dikemeranka.
Narak asai ati ti temegah ke tambai nya pengawa ti manah dikena kitai ngangkat sereta ngemansangka menua. Rayat Malaysia patut betemegah ati ke tambai bansa laban iya nunjukka kitai temegah sereta ngembuan asai ati ti patriotik ke menua ke udah nyaup negapka agi proses ngemansangka menua kitai ke diuan pupu raban bansa, pengarap enggau budaya tu. Jalur Gemilang mai lambang taluk, penyerakup enggau patriotisme. Nya alai iya beguna amat dikena meransangka semengat enggau nilai nasionalisme enggau patriotisme ba sida nembia rebak baru.
Chara dikena narak nembiak ngambika sida balat agi patriotik iya nya ngajar sida bebasa sereta rindu ke tambai. Kimpin Sayauka Tambai Kitai di sekolah patut dipejalaika laban iya meri bala nembiak tu pemereti ati senentang pemesai reti Jalur Gemilang. Iya patut dipejalaika sepemanjai taun. Kelimpah ari nya pengawa ke nerangka pekara tu ngambika sida ulih belematika reti ke bendar hari merdeka patut mega dipejalaika enda milih musin.
Rayat ulih mandangka semengat patriotik dalam pengidup besehari-sehari ambika banding lebuh berunding, lebuh bejaku sereta maya nunjukka ulah ti ngetanka sereta ngemeratka menua diri. Ambika teladan, nembiak sekula ulih mandangka diri sida ngembuan semangat patriotik enggau sayauka menua lebuh sida sama-sama nyaga rampa menua sereta enda teparit enggau ulah negatif baka vandalisme tauka bebuaika uras sengapa alai.
Rayat mega ulih meri buah penemu enggau runding ari ati diri dikena ngemanahka menua tu. Ngenataika asai ati nengah jalai ti betul nya endang hak ke patut dikemeranka semua rayat ti patriotik, sayauka menua sereta ngembuan penginginka ti deka ngemanahka menua tu.
Lebuh ke ngingatka 54 taun merdeka, kitai mega patut mulaika pengingat kitai ngagai semua pengawa ti udah dikereja dalam ngemansangka menua kelia sereta besedia napi penguji jemah ila. Rayat Malaysia ari pupu raban bansa enggau pengarap ke bebida patut terus ngembuan juluk ati ti deka ngaga sereta nempa menua tu nyadi menua ti harmoni, beserakup sereta progresif setipak enggau semengat merdeka.
Pengerami Hari Merdeka patut nyadi pengering penyerakup ke ulih mai rayat ari pupu raban bansa tu begulai sejalai nuju siti objektif dikena ngamatka 1Malaysia.
1Malaysia patut ngembuan pugu elemen pemereti ati, bebasa sereta bisi pengarap entara diri sama diri dalam komuniti mayuh bansa dikena ngangkat Undang-undang Gerempung enggau Rukun Menua. Selamat Hari Merdeka ngagai semua rayat Malaysia.
Dikena nentuka semua peranak menua Malaysia ulih idup likun sereta lantang, kitai semua patut ngembuan tanggung pengawa kediri empu. Enda ngira kitai nya nembiak sekula, pengajar, tauka pekereja pengawa selama, kitai nya mih individu enggau gerempung ke ulih ngangkat sereta ngemansangka menua Malaysia.
31 Ogos nya haribulan ti besejarah ke patut dikeingatka tiap-tiap serak komuniti ketegal haribulan tu mih menua kitai bulih merdeka, lepas ari digenggam penjajah British. Tu nunjukka menua kitai nya menua ke merdeka sereta berdaulat ke ulih bediri atas kaki diri empu sereta bejalaika pengawa perintahan kediri nadai nitihka kuing rundin sida penjajah.
Merdeka mega patut ulih ngerakka rayat nemu menua kitai tu lepas ari penjajah nengah chara ke enda bebunuh. Rayat Malaysia patut beterima kasih ke merdeka ti udah dijapai laban nengah merdeka rayat ulih ngasaika pemujur dalam semua aspek pengidup.
Pengerami hari ulang taun merdeka ngembuan reti ti chukup dalam lalu semina sida ke mereti enggau ngembuan penyayauka tanah ai ulih nerangka reti ulang taun pengerami merdeka tu enggau nemban.
Nya alai 31 August nya haribuan ke chukup mai reti sereta nadai ulih dibandingka. Merdeka patut dikemeratka lalu dipelematika ngambika iya enda lari ari jalai ke bendar. Pengerami ulang taun hari bansa ke-54 taun tu dikearapka ulih ngentapka agi semengat patriotisme enggau kaul pupu raban bansa semua rayat Malaysia, setipak enggau konsep 1Malaysia.
Mayuh orang nganggap pekara ti bekait enggau penyerakup nya pekara ti mudah. Tu runding ti salah laban dalam komuniti ti mayuh pupu bansa, pengarap enggau budaya ke bebida baka Malaysia, pengawa ke negap sereta nyaga penyerakup patut terus dipejalai sereta dikemeranka.
Narak asai ati ti temegah ke tambai nya pengawa ti manah dikena kitai ngangkat sereta ngemansangka menua. Rayat Malaysia patut betemegah ati ke tambai bansa laban iya nunjukka kitai temegah sereta ngembuan asai ati ti patriotik ke menua ke udah nyaup negapka agi proses ngemansangka menua kitai ke diuan pupu raban bansa, pengarap enggau budaya tu. Jalur Gemilang mai lambang taluk, penyerakup enggau patriotisme. Nya alai iya beguna amat dikena meransangka semengat enggau nilai nasionalisme enggau patriotisme ba sida nembia rebak baru.
Chara dikena narak nembiak ngambika sida balat agi patriotik iya nya ngajar sida bebasa sereta rindu ke tambai. Kimpin Sayauka Tambai Kitai di sekolah patut dipejalaika laban iya meri bala nembiak tu pemereti ati senentang pemesai reti Jalur Gemilang. Iya patut dipejalaika sepemanjai taun. Kelimpah ari nya pengawa ke nerangka pekara tu ngambika sida ulih belematika reti ke bendar hari merdeka patut mega dipejalaika enda milih musin.
Rayat ulih mandangka semengat patriotik dalam pengidup besehari-sehari ambika banding lebuh berunding, lebuh bejaku sereta maya nunjukka ulah ti ngetanka sereta ngemeratka menua diri. Ambika teladan, nembiak sekula ulih mandangka diri sida ngembuan semangat patriotik enggau sayauka menua lebuh sida sama-sama nyaga rampa menua sereta enda teparit enggau ulah negatif baka vandalisme tauka bebuaika uras sengapa alai.
Rayat mega ulih meri buah penemu enggau runding ari ati diri dikena ngemanahka menua tu. Ngenataika asai ati nengah jalai ti betul nya endang hak ke patut dikemeranka semua rayat ti patriotik, sayauka menua sereta ngembuan penginginka ti deka ngemanahka menua tu.
Lebuh ke ngingatka 54 taun merdeka, kitai mega patut mulaika pengingat kitai ngagai semua pengawa ti udah dikereja dalam ngemansangka menua kelia sereta besedia napi penguji jemah ila. Rayat Malaysia ari pupu raban bansa enggau pengarap ke bebida patut terus ngembuan juluk ati ti deka ngaga sereta nempa menua tu nyadi menua ti harmoni, beserakup sereta progresif setipak enggau semengat merdeka.
Pengerami Hari Merdeka patut nyadi pengering penyerakup ke ulih mai rayat ari pupu raban bansa tu begulai sejalai nuju siti objektif dikena ngamatka 1Malaysia.
1Malaysia patut ngembuan pugu elemen pemereti ati, bebasa sereta bisi pengarap entara diri sama diri dalam komuniti mayuh bansa dikena ngangkat Undang-undang Gerempung enggau Rukun Menua. Selamat Hari Merdeka ngagai semua rayat Malaysia.
“1Malaysia : Transformasi Berjaya, Rakyat Sejahtera”
Tiada ulasan:
Catat Ulasan