Anang Sengapa Bebelika Telefon

Pengguna kemaya hari tu ditangkan bejimat lebuh meli telefon binching, komputer pangku enggau komputer tablet ketegal kira-kira 30 peratus ari kereban ti dijual di pasar menua tu enda nitihka standard pengelikun teknikal antarabangsa sereta tau ngenusahka orang ke nguna kereban nya.

Pekara tu dikenataika Chairman Suruhanjaya Komunikasi enggau Multimedia Malaysia (SKMM), Datuk Mohamed Sharil Tarmizi udah ti nerima serebana mensia mayuh ti madahka mayuh  telefon binching ti dibai masuk enda beradat ke menua tu ti digela sida ke bedagangka telefon nya ‘underwater tauka submarine handset’ enda nitihka standard.

Kerejasama tu ukai semina nyaup SKMM ngangkat pengawa meratika pekara tu tang mega neritka undang-undang ngagai sida ke bejualka produk telekomunikasyen ti nadai standard .

Enti pengguna meli produk telekomunikasyen baka telefon ti nadai nitihka standard nuan nyangka  mudah kena penusah baka telefon meletup lebuh dalam kandi tauka lebuh digunaka.

Nya alai mensia mayuh dilalau meli kereban ti diakun likun sereta bisi label SKMM dikena nyamin pengelikun diri empu.
Nambahka nya mega, SKMM diatu bekerejasama enggau Opis Kastam Diraja Malaysia (KDRM) dalam pengawa meratika penatai masuk produk telekomunikasyen ti enda nitihka standard ari masuk ke  pasar di Malaysia nengah pintu penama enggau palan penyangkai kapal di serata menua tu.

Mayuh pedagang produk telekomunikasyen di Malaysia udah nitihka standard bejualka produk telekomunikasyen, tang taja pia agi bisi sekeda nya ke mai masuk barang tu nengah chara ti enda beradat.

Sempekat entara SKMM enggau SIRIM bisi disain dikena meratika pengawa bejual sereta nyaga  produk telekomunikasyen tu dijual nengah aplikasyen 'Online Centification for Communication & Multimedia' (e-ComM) ti dikemansangka Dagang Net Technologies Sdn Bhd (Dagang Net).

Kerejasama tu ukai  semina nyaup SKMM  nyaga tebelika kereban ti dibai masuk enda beradat.

Aplikasi e-ComM mega  digabungkaka enggau Malaysia's National Single Window (NSW) ti dikemansangka Dagang Net, iya nya syarikat dipaduka Opis Menteri Wang nyadi pemudahchara pengawa dagang enggau pemendar ari KDRM.

Pengawa ti begunaka aplikasyen e-ComM mega dikena nentuka tanda tauka label sepetikit SKMM digunaka enggau betul seraya ke nadai pengawa nipu enggau niru sereta nyaup SKMM nyediaka ripot nitihka maya ti dipinta.