Sayur enggau buah kampung di Sarawak

Ujan enggau panchar matahari ti mayuh sereta tikas pengangat enggau penyelap ti engkeman ngasuh mayuh bengkah utai tumbuh nyadi amat di Sarawak. Mayuh ari utai tumbuh tu nyengkaum kulat, ulih nyadika engkayu lalu bisi sekeda ari utai tumbuh tu mega ngasilka buah ti tau diempa.

Utai tumbuh ba kampung seruran agi digumpul ke empa orang ke diau ba tempat nya empu lalu kadang-kadang enti utai nya mayuh iya dijual ba pasar. Orang nengeri suah agi kakang meli sayur tu ketegal sida enda tentu nemu chara nyumai iya. 

Taja pia, nama utai ke patut diguna iya nya penerang sereta pengingin ati deka nguji. Tubu, paku enggau miding endang udah lama dikerinduka orang mayuh, lalu buah kepayang enggau daun sabung jampat pegari ketegal resipi ari Indonesia. Ari suku zat pemakai, engkayu tauka sayur kampung setipak enti enda badas agi ari sayur ti ditanam. Nambahka nya mega, sayur tu nadai dipanchit enggau rachun.

Kampung ujan tropika ba pulau Borneo endang kaya enggau mayuh bengkah utai tumbuh di dunya. Di Sarawak, enda kurang ari tujuh puluh bengkah buah dalam kampung ari tujuh belas raban bisi direkodka Opis Betanam-betupi. Taja pan buah kampung tu enda ditemu habitat biasa iya tang sida ke diau semak endur tu endang tu selama jeman makai buah tu. 

Ketegal ti bebuah nitihka musin, nya alai buah tu semina bisi dalam timpuh ti serekat iya nya suah agi ba pengujung taun tauka kadang-kadang ari bulan August ngagai bulan September. Buah kampung selalu agi dijual ba pasar Sibu, Sri Aman enggau Kapit.

Mayuh bansa buah kampung tu ngembuan asai ti bebida penyamai. Enti nemu milih iya ti badas, buah kampung tu endang bisi jalai tau diempa sereta diguna baikka dijual tauka guna bukai.