 |
| Gambar ari Berita Menua |
Nembiak
raban bansa Dayak ari serata nengeri tu dipinta ngerijista diri nyadi kaban
Dayak Street Group Dancer And Group nyemaka sida bisi pengerindu ba pengawa
betanda. Gerempung tu baru ditumbuh kenyau ari tiga bulan ke udah.
Dayak Street Group Dancer And Group ditumbuh baruh kompeni Dayak Pictures And Tech Sendirian Berhad lalu nembiak bansa Dayak ke deka masuk gerempung tu mesti beumur entara 18 ngagai 30 taun.
Pengari gerempung tu, Joez Evenster madahka tuju numbuhka Dayak Street Group Dancer And Group laban deka ngangkatka main asal tanda tradisonal ngagai tanda moden ke dikembuan raban bansa Dayak.
Langgur penemu numbuhka gerempung tu beduduk ari sukung bala ke diau ba Semenanjung Malaysia ti rinduka konsep tanda enggau muzik tradisional ke dikembuan raban Dayak.
“Pekara tu mih meransang kami ngerembaika tanda tradisional raban bansa Dayak ngambika ulih tebilang datai ke tikas dunya jemah ila.
“Tanda tradisional baka Kajat, endang bisi jalai narit ati barang sapa orang ke meda taja pan elemen Kajat tu nadai diubah," ku iya.
Bayar masuk nyadi kaban semina RM30 siku. Joez madahka, Street Group Dancer And Group deka ngatur mayuh bengkah aktiviti enti sema penyampau orang ke masuk nyadi kaban gerempung tu udah chukup.
Nembiak Dayak ke bisi pengerindu betanda tau ngerijista diri laban promosyen udah berengkah dibuka belabuh ari 6 ngagai 7 haribulan April tu tadi beserimbai enggau Pesta Benak Sri Aman.
Kompeni Dayak Pictures And Tech mega bisi ngaga promosyen ba kaunter Projek Dayak Pop Stars ti nyediaka perais ungkup champion RM3,500, lumur dua RM2,500 enggau lumur tiga RM1,500. –Dibali ari Berita Menua
Dayak Street Group Dancer And Group ditumbuh baruh kompeni Dayak Pictures And Tech Sendirian Berhad lalu nembiak bansa Dayak ke deka masuk gerempung tu mesti beumur entara 18 ngagai 30 taun.
Pengari gerempung tu, Joez Evenster madahka tuju numbuhka Dayak Street Group Dancer And Group laban deka ngangkatka main asal tanda tradisonal ngagai tanda moden ke dikembuan raban bansa Dayak.
Langgur penemu numbuhka gerempung tu beduduk ari sukung bala ke diau ba Semenanjung Malaysia ti rinduka konsep tanda enggau muzik tradisional ke dikembuan raban Dayak.
“Pekara tu mih meransang kami ngerembaika tanda tradisional raban bansa Dayak ngambika ulih tebilang datai ke tikas dunya jemah ila.
“Tanda tradisional baka Kajat, endang bisi jalai narit ati barang sapa orang ke meda taja pan elemen Kajat tu nadai diubah," ku iya.
Bayar masuk nyadi kaban semina RM30 siku. Joez madahka, Street Group Dancer And Group deka ngatur mayuh bengkah aktiviti enti sema penyampau orang ke masuk nyadi kaban gerempung tu udah chukup.
Nembiak Dayak ke bisi pengerindu betanda tau ngerijista diri laban promosyen udah berengkah dibuka belabuh ari 6 ngagai 7 haribulan April tu tadi beserimbai enggau Pesta Benak Sri Aman.
Kompeni Dayak Pictures And Tech mega bisi ngaga promosyen ba kaunter Projek Dayak Pop Stars ti nyediaka perais ungkup champion RM3,500, lumur dua RM2,500 enggau lumur tiga RM1,500. –Dibali ari Berita Menua
Tiada ulasan:
Catat Ulasan