Pemuka Jaku

Pemuka Jaku
Niat ati penulis nengkebang siti blog ngena jaku Iban ngambika jaku tu enda lenyau mabun laya nitihka aki ini kitai ke Serawai Mandai Betangga Tunggang lalu pia mega awakka iya tau nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang. Laman tu ukai semina ngenang pasal pemansang jaku Iban di sekula enggau budaya bansa Iban tang mega ngenang pekara pasal pengerindu diau begulai sejalai sereta bekunsi tuju pengidup enggau mayuh pupu raban bansa ba Malaysia. Kepenudi bendar, laman tu dikarapka ulih nyadika penyanding penemu ngagai bala nembiak ke agi belajarka jaku Iban baikka iya di tikas sekula, institut pematih pengajar tauka universiti.
"Dikelala Buah ari Langgu, Dikelala Basa ari Penyiru, Dikelala Bansa ari Jaku"

Khamis, 3 Mei 2012

Serebana Ati


Serebana Ati
Kapa enda aku mati nenggali hari, parai mulai ngejang pegi,
Kita ga enda meda ati kami beraie, besehari-hari.
Kapa enda aku ngejang dulu midang tinggang batang,
Kita ga enda meda ai mata kami labuh nelusur puang.
Jauh kita ka rindu, jauh kita ka sinu….
Ketawa kita ke ka…
Idup nadai mih guna, 
Peraja mata udah dipelapa di gigi tangga,
Kumang ati ga udah ditanchang
randau menua,

Aiiiiii dihh…Ila sida iya ngasai,
Enti tebunsa ngenang ambai,
Manah enti sida ulih makai.
Kapa enda diatu kami merinsa,
Ila kita ga,
Ambi bela bedua, 
Bela mimit…
Ni alah aku aja.

Dikarang: Laja anak Sang Gima
                                          Panggau Libau Lendat Bebiau Takang Isang

Posted by at
Labels:

Tiada ulasan:

Catat Ulasan

Langgan: Catat Ulasan (Atom)