Tu sekeda berita ti diambi surat berita Utusan
Borneo senentang isu politik ke bisi
kaul enggau raban bansa Iban. Sekeda ari genteran teks nya udah dibali ari
sukut jalai jaku sereta sepil ke dikena di sekula ngambika engkeman agi dibacha
bala nembiak.
Ngagai orang bukai ke ukai sekula, orang Iban
ke rindu macha kereban dalam jaku Iban sereta sida ke rindu ke berita politik
Iban bacha sereta gaga mih analisis diri empu senentang pekara tauka isu ke nyadi
tu.
Enti
amat SWP kaban BN, seliah belaban penuduk, ku Gramong
Posted on April 30, 2012, Monday
Sarawak Workers Party (SWP) patut nyeliahka diri ari ngelaban Barisan Nasional ba pengawa bepilih besai tu ila, enti sida amat ngumbai diri kaban BN, pia ku Sapit Menteri Dagang Temuai Datuk Gramong Juna.
“Enti ulih, sida enda patut
bediri ngelaban BN, enti sida amat ngumbai diri kaban BN, sida patut nyukung
BN”.
SWP, ke diiring siku orang
dagang – politik Dato Sng Chee Hua, mantaika pengingin deka bediri ba semua
enam sitak parlimen ke diempu parti komponen BN, iya nya Parti Rakyat Sarawak
(PRS).
Lebuh ditanya
sekalika iya bisi ninga rita SWP bejalai ngelakuka chalun ke ulih menang bediri
ba Kanowit, ku iya, SWP tau bejalai laban parti sida udah direjister lalu
barang ku sida milih chalun ke bediri ba Kanowit.
Aku diundang TR Budul ba
pengawa nya
Posted on May 1, 2012, Tuesday
Mandal presiden Parti Demokratik Progresif Sarawak (SPDP) ke mega kaban kunsil nengeri (ADUN) Meluan Wong Judat madahka diri mengkang ‘orang kuat’ Barisan Nasional (BN) sereta parti SPDP.
Wong mansutka penerang nya nimbal berita ke bisi ayan ba surat berita ti
madah iya nyukung parti ti baru ditumbuhka Sarawak Workers Party (SWP) alai iya
dipeda betabi jari enggau orang ke melanja parti SWP, Datuk Sng Chee Hua.
Parlimen Lubok Antu deka
besatup tiga sukut?
Posted on April 27, 2012, Friday
Sitak Parlimen Lubok Antu dipelabaka belaban tiga sukut ba pengawa bepilih besai (PRU) Ke-13 ke deka diatur enda lama da agi.
Chalun Barisan Nasional (BN)
William Nyalau anak Badak dipadahka ngenanka sitak nya ke diungkupka ngagai
Parti Rakyat Sarawak (PRS) deka besatup enggau ketuai kanan Parti Keadilan
Rakyat (PKR) Nicholas Bawin anak Anggat enggau Parti Pekerja Sarawak (SWP)
Langga anak Lias.
Bawin siku chalun ke endang
tebilang nama di Lubok Antu laban suah bendar nyadi chalun ba pengawa bepilih
menua engau parlimen. Tang semua alah magang.
Taja pia, Langga ke asal
peranak menua ari Panjai Ruai, Lubok Antu keterubah iya disabung Kaban Parlimen
Julau ke suba Datuk Sng Chee Hua ke bisi bekaul enggau SWP.
SWP
sebengkah parti ke bekaban enggau BN
Posted on April 25, 2012, Wednesday
Siku orang dagang ke mega veteran dalam politik, Datuk Sng Chee Hua nyediaka diri masuk ba politik bediri ba sitak Selangau nengah tiket ari Sarawak Workers Party (SWP).
Nitihka sebengkah penerang,
orang nyukung Sng udah minta iya bediri ba penuduk majoriti Iban nya lebuh iya
ke datai begulai enggau bala SWP betemu enggau mensia mayuh ba Rh Madat, Ulu
Mukah kena malam Hari Enam minggu nyin kemari.
Selangau nya siti ari penuduk
ti dikeinginka SWP sepengudah parti nya direjister sereta dikemendarka Opis
Menteri Dalam Menua. SWP ke madahka diri parti bekaban enggau Barisan Nasional
(BN), madahka diri deka bediri ba semua enam sitak ti diarika komponen parti
BN, iya nya Parti Rakyat Sarawak (PRS).
Anang teparuk dirasuk penemu
ke deka mambarka bansa
Posted on April 24, 2012, Tuesday
Enda ibuh kiruh nyukung parti
bukai enti agi bisi parti ngarika bansa Dayak, pia ku Seketari Parti Rayat
Sarawak (PRS) Pampang Sekuau Tuai Rumah (TR) Tungku Balang.
Ku iya, naka ke diatu rayat
lebih agi bansa Dayak udah chukup silik ngembuan parti ti ngemeratka raban sida
lalu enda patut tebiuh kuing nyukung parti bukai.
PRS nyanggup pasang SWP:
Masing
Posted on April 21, 2012, Saturday
Parti Rayat Sarawak (PRS) deka
nyanggup panjung Sarawak Worker Party (SWP) lalu nentuka pemujur ba enam sitak
parlimen ke diungkupka ngagai parti.
Presiden PRS Tan Sri James
Jemut Masing madah parti nya meratika enggau silik panjung SWP ke deka masang
manuk (nganjung chalun) bediri ba enam sitak parlimen ke dikuasa PRS maya
pengawa bepilih (PRU) ke-13 deka datai.
Pekara ke balat ngalitka ati
kami iya nya, nama kebuah parti tu deka ngelaban PRS aja lalu nama agi kebuah
parti ke ngarika bansa Dayak dikemendar ditumbuh.
Sarawak
Workers Party udah dikemendar tang bedau dikelala kuing
Posted on April 20, 2012, Friday
Sarawak Workers Party (SWP) udah dikemendarka perintah dua hari ke udah taja pan empai ditemu sekalika sida tu kaban Barisan Nasional (BN) tauka enda.
Presiden arau parti ke baru
direjister nya Dr Ong Lark Sai sebedau tu madah, SWP deka bekaban enggau BN
tang nukar penerang iya lebuh ditanya sekalika sida nudukka chalun ba sitak ke
udah bisi pengari BN ba pengawa bepilih besai tu ila.
Ripot ke didinga ari SWP dalam
kandang dua tiga hari ke udah madahka, sida gidan endar ati deka bediri ba
penuduk ke diempu parti komponen BN iya nya Parti Rakyat Sarawak (PRS) dikena
mutarka penanggul ke ditapi enggau PRS.
Sapa
makai chabi, iya ngasaika pedas, ku Entulu
Posted on April 14, 2012, Saturday
Sapit Presiden Parti Rakyat
Sarawak (PRS) Datuk Joseph Entulu Belaun sekali agi ngelalau raban ketuai
renggat tinggi serakup Barisan Nasional (BN) nengeri meratika ulah sekeda raban
BN ke deka ngelabuh (sabotaj) sitak Parlimen Julau.
“Ulah ke baka tu enda
patut nyadi dalam serakup BN nengeri. Kitai enda tau nuchuk kaban diri
ari belakang. Ulah tu chukup jai lalu PRS enda ngelakka pekara tu nyadi.
Pekara tu dipeda chukup serius
lalu udah nyadi ba Julau alai sida iya ngembuan juluk deka ngelabuhka pemangku
sitak nya Datuk Joseph Salang Gandum, tandu iya.
Sarawak Workers Party merambu
masang pengari ba penuduk PRS
Posted on April 10, 2012, Tuesday
Bisi sumber ke ngerandau The Borneo Post ensanus madahka Sng enda belalai nebah ba sebengkah gempuru di Selangau madahka Opis Pengerejister Gerempung (ROS) udah ngemendarka SWP bedau lama ke udah.
Iya ba gempuru ke digulu urung
500 iku orang madahka SWP deka masang chalun ba enda kurang ari empat sitak PRS
maya pengawa bepilih besai tu ila.
Sng madah, SWP nyangka deka
belaban enggau PRS ba enam bengkah kerusi, iya nya Sri Aman ke diarika Masir
Kujat, Lubok Antu (William Nyalau Badak), Julau (Datuk Joseph Salang), Kanowit
(Datuk Aaron Ago Dagang), Selangau (Datuk Joseph Entulu) enggau Hulu Rajang
(Datuk Billy Abit Joo).
SPDP disadang tegap ulih
ngetanka semua sitak parlimen parti nya
by Chris Bishop. Posted on April 2, 2012, Monday
Parti
Demokratik Rayat Sarawak (SPDP) disadang tegap sereta ulih ngetanka sitak
parlimen Bintulu, Baram enggau Saratok maya pengawa bepilih besai ke deka datai
tu ila lalu sitak Mas Gading deka ditentuka ketuai renggat tinggi parti nya.
Sekretari Besai SPDP Nelson
Balang Rining madah pengari SPDP-BN ba sitak Mas Gading deka ditentuka Presiden
(Mawan) lalu Dato Seri Tiong King Sing (P217 Bintulu), Sapit Menteri Dagang
Antarabangsa enggau Industri Dato Jacob Dungau Sagan (P220 Baram) sereta Sapit
Menteri Pengangkut Jelaing Mersat disadang deka ngenanka penuduk sida.
Enda salah mantu, tang anang
minta kerusi: Masing
Posted on March 27, 2012, Tuesday
Presiden Parti Rakyat Sarawak (PRS) Tan Sri Dr James Masing (gambar) madahka enda ngawa People’s Progressive Party (PPP) mantu BN nengeri ba pengawa bepilih besai tang anang sampai minta kerusi.Iya nerima PPP ti deka nyaup BN Sarawak lalu bantu nya enda patut ditulak.
Minos
irauka penyarut enda ulih putar, pemerati besema ‘Jauh Panggang Ari Api’
Posted on March 16, 2012, Friday
Penyarut dalam Parti Progresif Demokratik Sarawak (SPDP) entara raban G5 ke ditingkil ari parti nya patut dipuntang nengah jalai alus enti Barisan Nasional (BN) bisi ati deka ngetanka penuduk Mas Gading maya Pengawa Bepilih Besai ti Ke-13 (PRU13) tu ila.
Chairman Komiti Pesaka Tuai
Jagoi Bratak, Datuk Peter Minos pechaya enti penyarut nya enda diputar jampat,
BN dia deka ngasaika pemedis sereta raban penyakal deka teulihka pemujur maya
PRU13 tu ila.
Balang asa ninga penemu SPDP5
ke nyarut runding rayat
Posted on March 9, 2012, Friday
Sekretari
Besai SPDP Nelson Balang Rining ensanus madahka diri asa bendar ati enggau lima
iku kaban opis nya ke suba ti udah ditingkilka ari parti, ketegal nyaru runding
rayat.
Balang, pengari rayat ari Ba
Kelalan ke suba madahka sida lima nya kelalu gagit bejaika presiden parti Tan
Sri William Mawan Ikom nyentuk ke sida nyau enda teingatka pengari Barisan
Nasional (BN) ti ngetanka sesebengkah sitak ba pengawa bepilih menua ke suba.
TERAS?
Nansian kakang meri penemu
Posted on March 8, 2012, Thursday
Pengawa ngerejister sebengkah
parti baru ke dipelaba dipasuk kaban Parti Demokratik Progresif Sarawak (SPDP)
ke ditingkil suba benung diatur ngichaka ulih pujur sebedau Pengawa Bepilih
Besai ti Ke-13 (PRU13) tu.
Nitihka penerang, parti baru
nya ke dikumbai Parti Tenaga Rakyat Sarawak (TERAS) udah nganjung peminta
ngagai Opis Pengerejister Gerempung ) ROS) apin lama ke udah.
Nengah parti baru nya ila,
pengawa mutarka isu Kaban Kunsil Nengeri ke ditingkil ari SPDP ukai semina
bekisar dia tang iya ke pemadu nyengit iya nya sitak parlimen Mas Gading.
SNAP
dipelaba betapi enggau penanggul besai
Posted on February 23, 2012, Thursday
Enti amat, nyangka kedua kali penumbuh
Parti SNAP (Sarawak National Party) dikinsil Opis Pengerejister Gerempung
(ROS).
Pemerati politik madah, parti
ke pengabis lama ba nengeri tu, iya nya Parti SNAP ukai semina deka dikinsil
kedua kali tang nyangka deka dipunas sekali.
Parti Demokratik Progresif
Sarawak ukai parti ‘nyamuk‘: Mawan
Posted on January 18, 2012,
Wednesday
Penuduk ke ditinggal lima iku pengari rayat ari Parti Demokratik Progresif Sarawak (SPDP) tu sebengkah pekara ke manah laban nya nyadika penepan ungkup raban politik sereta raban nembiak dalam parti awakka sida tau nyadi chalun Barisan Nasional (BN) maya pengawa bepilih besai jemah ila.
Enti sema sida tu menang ila,
sida ukai semina deka nyadi pengari rayat tang sida mega nyadi tuai ba menua,
ku Presiden SPDP Tan Sri William Mawan Ikom kemari.
Bisi sekeda orang ke ngumbai
SPDP nya parti ‘nyamuk’ tang nya semina jaku deka ngemalu parti tang ke bendar
sida nadai ngembuan timpai parti ti benung dalam proses ngemansutka tuai menua,
ku Mawan ti mega nyadi Sapit Chairman Nasional BN enggau Menteri Kanan Sarawak.
Mawan:
Penyarut ke ditempa SPDP5 udah diputar
Posted on January 18, 2012, Wednesday
Parti Demokratik Progresif Sarawak (SPDP) nadai muka awak endur empat iku kaban parti nya enti deka mulaika diri ngagai parti nya baru. Nengah nya mega penyarut ke ditempa raban SPDP 5 sereta malut parti nya sebedau tu udah teputar.
Presiden parti nya, Tan Sri
William Mawan Ikom madahka pengawa muai empat iku kaban SPDP nya enda nanggul
parti nyerumba pengawa bepilih ti deka diatur enda lama agi.
Kereban sanding:
Utusan Borneo
Kereban sanding:
Utusan Borneo
Tiada ulasan:
Catat Ulasan