Ngubah Persepsyen Mensia Mayuh

Ninting kali pengawa jenayah nyadi orang di US enggau UK berasai pekara nya majak nyadi taja pan iya ke bendar penyampau kes nya nurun. Tu mih isu ke sama nyadi ba menua kitai kemaya hari tu. Lebuh berandauka pekara jenayah, persepsyen enggau realiti enda selalu iya ba lambar ke sama. Pansik mandangka persepsyen siku-siku orang senentang pekara nya balat agi ari iya ke amat-amat nyadi. Iya ke balat agi dirunding mensia mayuh nya lebuh penyampau kes jenayah nurun orang mayuh balat agi irau. Pekara tu mih nyadi ba Amerika Syarikat lebuh undi Gallup polls mandangka mayuh orang America majak arapka kes jenayah semakin nyadi taja pan pansik madahka penyampau kes udah nurun kenyau ari tengah taun 1990an.

Baka nya mega lebuh kes jenayah nyau nurun di the United Kingdom, persepsyen majak madahka kes jenayah majak niki. Tu baka nya mega amat nyadi di Malaysia. Lebuh index jenayah nurun 11.1 per cent taun nyin kemari lalu kes jenayah ba jalai mega nurun 39.7 per cent ari taun 2009 nyentuk ke taun nyin kemari,   tang majoriti orang Malaysia agi nangi nyadi dengah orang ke jai. Pansik tu digaga belalauka  Taylor Nelson Sofres survey dalam bulan May ke mandangka bisi nurun ngagai 3.9 per cent dalam pekara pasal pengirau. Pansik tu udah dipejalaika kenyau ari bulan December 2009.

Pekara ke nyata nya mensia mayuh balat agi meragam pekara belalauka persepsyen sida ke bepelasarka peneleba sida, evidens anecdotal, terus sereta peneleba ke  kala ngasai betemu enggau orang jai. Lebuh orang kala nyadi dengah orang ke ngeruntun beg, tauka diau ba genturung pendiau ke suah kena rumpak, tauka nemu orang kala kena bukut, tauka macha berita pasal majau indu ba palan rama  enggau ngerumpak ba malls ba medai chelak, electronik media sosial, penyampau statistik kes jenayah ti dikenatai nengah chara rasmi nadai tentu diguna sida. Nya ketegal kes ke didinga bisi nyadi kemaya hari tu, mensia mayuh enda tentu arapka kes ke dipadahka perintah nya nurun ari selama. Nya mih lebuh persepsyen senentang penyuah enggau pemalat kes jenayah nya nambah sereta suah dikemesaika mandangka persepsyen nya ke bendar ukai amat laban penyampau ke bendar nya lain ari ke didinga. Fakta ke amat nya mayuh kes ke balat ngenakutka kitai nya ngasuh orang mayuh majak irau . Kitai enda ulih nyeliah fakta ke madah ke bendar ke kitai nya bisi napi penanggul persepyen. Munyi ku Menteri dalam Menua, Datuk Seri Hishammuddin Hussein madahka, "we cannot be in denial any more".

Belalauka jaku nya, kitai enda ulih nyeliah pekara ke tau bendar ngeruga pengelikun baka data ke udah dikeluar World Justice Project enggau Global Peace Index. Ketegal nya raban polis enda ulih ngerendut dada enti sida deka meda menua Malaysia likun alai mensia mayuh diau sereta gawa. Nya alai langkah rapat dikena ngurang sereta meratika kes jenayah patut bebendar dipejalaika ngambika ulih ngubah persepsyen mensia mayuh seraya enggau realiti kes jenayah ke nyadi.