Pemuka Jaku

Pemuka Jaku
Niat ati penulis nengkebang siti blog ngena jaku Iban ngambika jaku tu enda lenyau mabun laya nitihka aki ini kitai ke Serawai Mandai Betangga Tunggang lalu pia mega awakka iya tau nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang. Laman tu ukai semina ngenang pasal pemansang jaku Iban di sekula enggau budaya bansa Iban tang mega ngenang pekara pasal pengerindu diau begulai sejalai sereta bekunsi tuju pengidup enggau mayuh pupu raban bansa ba Malaysia. Kepenudi bendar, laman tu dikarapka ulih nyadika penyanding penemu ngagai bala nembiak ke agi belajarka jaku Iban baikka iya di tikas sekula, institut pematih pengajar tauka universiti.
"Dikelala Buah ari Langgu, Dikelala Basa ari Penyiru, Dikelala Bansa ari Jaku"

Jumaat, 13 Julai 2012

RWMF ngempuru pupu raban bansa serata dunya


SANTUBONG: Tiga taun bejurut-jurut, Rainforest World Music Festival (RWMF) dikelai entara 25 bengkah pengerami renggat dunya ti pemadu manah sereta mujur ngangkatka Sarawak ba mata dunya.

Tuai Pemesai Eksekutif (CEO) Komiti Dagang temuai Sarawak Dato Rashid Khan madahka RWMF udah mujur ngadaka formula ti chukup engkeman alai raban temuai diberi awak betemu, berandau enggau raban pemuzik sereta ngasai peneleba meretika muzik sereta tanda ari bemacham pupu bansa ti datai ari serata dunya.

“Majalah muzik dunya meri kelai alai RWMF entara 25 bengkah panggau pemerindang ti pemadu manah kelimpah ke ulih ngempuru bemacham pupu raban bansa serata dunya mandangka muzik tauka genre asal lalu ngangkatka Sarawak ba mata dunya sereta matak mayuh temuai ari menua luar datai,” ku iya.

Iya mansutka penerang tu ba jaku pengelalu RWMF 2012 ti diatur ba Dewan Lagenda Kampung Budaya Sarawak (SCV) malam ensanus ke dipenyadika Sapit Menteri Dagang Temuai (Bagi Atur Pengawa enggau Produk) Datuk Gramong Juna.

Rashid mega madah, RWMF mujur mandangka pemanah main asal pupu raban bansa menua tu ngagai mata dunya ti tau matak temuai datai nemuai ke Sarawak.

Gramong ba jaku iya nangkanka Rashid madah RWMF ngempuru semua pupu raban bansa serata dunya begempung nengah muzik.

“Tu mih palan alai semua orang ari serata dunya enda ngira bansa, penatai main asal sereta bengkah muzik begempuru ba siti palan, betemu lalu ngikat sempekat beserakup ati ti deka ngadaka penyerakup.

“RWMF deka majak dikerindu ninting taun lalu timbal ari orang menua luar mega majak manah,”ku iya.

RWMF 2012 ti diatur ungkup taun ke 15 deka mandangka 16 band ari serata dunya sepengelama tiga malam berunggu diatur berengkah malam tadi.

Bemacham alun muzik ti chukup nyelai deka dipandang raban band ba atas panggau pemerindang kelimpah pengawa bukai ti bisi diatur muakka siang ba SCV.

Bela datai Sapit Menteri Dagang Temuai Datuk Talib Zulpilip, Sekretari Mendam Opis Menteri Dagang Temuai Sarawak Datu Ik Pahon enggau orang bukai.



Dibali ari: http://www.theborneopost.com/2012/07/14/rwmf-ngempuru-pupu-raban-bansa-serata-dunya/  
Posted by at
Labels:

Tiada ulasan:

Catat Ulasan

Langgan: Catat Ulasan (Atom)