Nama reti Kiasu

Kala kini raban pemacha ninga leka jaku kiasu? Kiasu nya sebengkah budaya ti balat amat dikemeran rayat menua Singapura. Kiasu mai reti 'takut ke lenyau sesebengkah barang tauka pekara'. Iya berasal ari leka jaku Hokkien. Dalam jaku mudah, 'tu ka, nyin ka, nya pan ka'.

Enti kiasu udah ngelaika sesebengkah pengawa ti ekstrem, nama penyadi enti kitai engkah leka jaku 'Ultrakiasu'? Ambika banding, bisi dua iku nembiak A enggau B benung  duduk ba mua sepinggai asi.A enggau B nemu seduai patut bekunsi sepinggai asi ngambika enda lapar.

Keterubah iya seduai sama bela makai sama-sama dalam semengat harmoni sereta teratur. Tang enda mukai-mukai nyau kebangai  A berunding B tu makai asi nya kelalu jampat lalu iya ngasaika asi nya nyau majak kurang ketegal B. Dia A berasai  'nangika diri agi mengkang lapar' taja pan udah makai. Ketegal nya  A lalu nguji chara agresif' ngerampas pinggai asi nya lalu makai kediri. Dalam kes tu,  A nya udah ngembuan sindrom KIASU. Ke bendar asal iya A tu ukai bam. Iya ngerampas pinggai nya ukai ketegal iya rangka tang iya BERASAI TAKUT SERETA NANGI.

Mensia enti berasai kena gap sechara psikologi iya deka mantaika ulah ti agresif. Dalam konteks Malaysia , aruh iya orang Melayu tauka  pribumi bukai baka raban bansa Iban bisi ngembuan asai ati kiasu tu.

Tang iya ke nyelai nya pengasai ati ti baka tu nadai nyadi dalam budaya raban bansa Iban. Orang China endang iya chunto raban bansa ti Ultrakiasu. Raban bansa Iban enggau orang Melayu jarang amat dikaitka enggau kiasu ketegal sida tu agi diau DALAM ZON PENGELANTANG.

Sida nemu Malaysia tu mih tanah ai sida lalu sida mih peranak mendam menua  Malaysia. Tu endang pugu pekara ti udah dikemeranka sida kenyau ari mit. 

Orang ti udah dirampit 'KIASU'  nya orang ke ngasaika diri kena gap taja pan iya udah bisi semua utai dalam pengidup iya. Taja pan iya udah kaya, bekuasa tauka bulih pangkat raja, penyakit kiasu tetap agi ngerau pengidup iya. Ketegal nya mih peminta sedekah ke miskin ba  tebing jalai pan deka ditangkap lalu  disimpan ba rumah pasung laban nangika sida peminta sedekah nya ila ulih ngerampas perintah iya. 

INGAT, ULTRAKIASU NADAI NGEMBUAN ULAH BEBATAK ASUR, NADAI TOLERANSI. Sekali iya megai kuasa, anang ngarap iya deka meri kuasa nya ngagai orang bukai. Nama kebuah? LABAN PENYAKIT KIASU.