Pemuka Jaku

Pemuka Jaku
Niat ati penulis nengkebang siti blog ngena jaku Iban ngambika jaku tu enda lenyau mabun laya nitihka aki ini kitai ke Serawai Mandai Betangga Tunggang lalu pia mega awakka iya tau nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang. Laman tu ukai semina ngenang pasal pemansang jaku Iban di sekula enggau budaya bansa Iban tang mega ngenang pekara pasal pengerindu diau begulai sejalai sereta bekunsi tuju pengidup enggau mayuh pupu raban bansa ba Malaysia. Kepenudi bendar, laman tu dikarapka ulih nyadika penyanding penemu ngagai bala nembiak ke agi belajarka jaku Iban baikka iya di tikas sekula, institut pematih pengajar tauka universiti.
"Dikelala Buah ari Langgu, Dikelala Basa ari Penyiru, Dikelala Bansa ari Jaku"

Ahad, 6 Januari 2013

Orang gemu gayu agi ari orang kurus



Nitihka berita individu gemu ukai reti iya obes bisi disebut idup gayu agi ari pangan sida ke kurus. Lelaki tauka indu ke gemu dikumbai idup lama agi enti dibanding enggau orang ke ngembuan berat tubuh ti normal, pia ku ripot Daily Mail.

Ngembuan BMI entara 30 ngagai  34.9  ke dikira obes mega dipeda enda nganu pengerai” – Pemansik.

Daily Mail tu mutik pansik ti nyerangkung tiga juta iku orang sereta bisi dikeluarka dalam Jurnal Gerempung Perubat Amerika.

Nitihka selama, kitai seruran berunding orang ke ngembuan berat tubuh ti normal nya petanda ngembuan pengerai ti manah.

Taja pia orang ke landik sentang obesiti, bisi meri jaku tangkan madahka pansik nya enda patut iya mandangka pekara nya nadai mai empas pengerai ti negatif dalam kes ke bisi kaul enggau orang ti ngembuan berat tubuh ti belebih.

91 keretas pansik
Dalam pansik ti pengabis baru nya, pemansik ari Perintah Amerika Syarikat bisi macha 91 keretas pansik ke dulu ari tu ari serata dunya ti mungkur bejuta-juta indu enggau lelaki.

Sida lalu ngaga analisis sentang pekara indeks jisim tubuh (BMI) ba pun pansik nya sereta mansik baka ni siku-siku orang nya parai.

Orang ti dikelaska ngembuan berat tubuh normal nya enti iya ngembuan BMI entara 18.5 ngagai 24.9 lalu dikumbai berat tubuh enti tikas bacha iya nya entara 25 ngagai 29.9.

BMI ti tinggi agi ari kelas nya dikumbai obes lalu besai agi tikas bacha reti iya besai agi mih risiko pengerai siku-siku orang nya.

6 peratus kurang deka parai

Pemutus pansik nya madahka sida ke ditisih ngembuan berat tubuh ti lebih dipadahka enam peratus kurang agi deka parai lebuh ba pengujung timpuh pansik nya enti dibanding enggau sida ke ngembuan berat tubuh ti normal.

Ngembuan BMI entara 30 ngagai 34.9 ke dikumbai obes mega diperatika enda tentu nganu pengerai.

Taja pia, nitihka perati, sida ke ngembuan BMI ti besai agi bebanding enggau iya ke udah disebut nya bisi 29 peratus kurang  agi ulih idup ba pengujung timpuh  pansik enti dibanding enggau sida ke ngembuan berat tubuh ti normal. - AGENSI
Posted by at
Labels:

2 ulasan:

  1. Buntak Dayung6 Januari 2013 pada 8:27 PTG

    akai dai, rita manah mai tu de agai bala ka pengerai diri isi tu

    BalasPadam
  2. uchutedung8 Januari 2013 pada 2:39 PG

    Amat ku nuan nya Buntak Dayung. Semadi bekunsi enggau pangan diri mih.

    BalasPadam

Langgan: Catat Ulasan (Atom)