Hari Jaku Diri Antarabansa

International Mother Language Day tauka enti dikalihka ngagai jaku Iban kurang lebih munyi tu – Hari Jaku Diri Antarabansa. Iya dikeingatka ninting taun ba serata dunya kena  21 February. Tuju iya dikena nyedarka semua senentang pemida ba aspek linguistic enggau budaya sereta enggau aspek multilingualisma. Iya terubah ditaburka UNESCO kena  17 November 1999. Pengawa ngingatka hari tu diterima United Nations General Assembly dalam resolusyen ke ditaburka dalam 2008 ke dikumbai International Year of Languages.  

International Mother Language Day tu diintu ninting taun kenyau ari bulan February taun 2000 dikena ngelakuka pemida linguistic enggau budaya sereta enggau multilingualisma. Hari bulan nya ngelaika hari bulan dalam taun 1952 lebuh bala nembiak mandangka diri ringat ketegal deka  jaku sida (Bengali) dikelalaka, iya nya siti ari dua jaku bansa di Pakistan. Bala nembiak ditimbak sereta dibunuh polis di Dhaka iya nya indu nengeri Bangladesh ketegal pekara nya.

International Mother Language Day dichirika maya General Conference of the United Nations Educational, Scientific and Cultural Organization (UNESCO) bulan November 1999 (30C/62). Kena 16 May 2009 the United Nations General Assembly dalam resolusyen iya A/RES/61/266 minta semua raban gerempung iya “ nyaga sereta ngetanka semua jaku ti dikena orang di dunya". Ba baruh resolusyen, General Assembly madahka taun 2008 nyadi the International Year of Languages, dikena mai penyerakup dalam mayuh pemida sereta meri pemereti ati antarabansa nengah multilingualisma enggau multiculturalisma.

Languages are the most powerful instruments of preserving and developing our tangible and intangible heritage. All moves to promote the dissemination of mother tongues will serve not only to encourage linguistic diversity and multilingual education but also to develop fuller awareness of linguistic and cultural traditions throughout the world and to inspire solidarity based on understanding, tolerance and dialogue.

—ari United Nations International Mother Language Day

Nuju semua pemacha Selamat Hari International Mother Language. Arapka semua jaku ba dunya tu kelebih agi  jaku Iban enda lenyau mabun laya nitihka aki ini kitai ke Serawai Mandai Betangga Tunggang lalu pia mega awakka iya tau nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang.