 |
| Papan Turai |
Turai nya sebansa tulis raban bansa Iban. Iya
biasa ditulis ba atas keping papan,
dituliska lemambang Iban, ke nyeritaka senentang petara maya gawai.
Tukuh tulis
tu udah bisi kenyau ari 15 peturun tauka lebih. Iya ngerekodka enggau nemban senentang sejarah orang Iban.
Sesetengah raban penusut ("genealogies") nya bisi ngerintaika
sepemanjai 25 peturun lalu agi ulih dikaitka enggau endur ke amat-amat nyadi.
Tusut
selalu berengkah nyeritaka peturun ke pengabis dulu lalu disempulang enggau
dijir nama sida ke bejadi belaki bebini. Kadang-kadang nama aki ini menya mega
bisi diterangka ngena jaku lansa. Leka main asal bukai mega kadang-kadang bisi
nyeritaka pasal sejarah ambika banding baka leka pengap suah mantaika nama
petara enggau kaban belayan baka aki ini menya sereta mega cherita senentang
pengawa sida.
Nama
kebuah raban bansa Iban nadai ngembuan sistem tulis baka raban bansa bukai? Nyadi
kenu ku jerita Richards (1972:66) semua tu bepun ari burung. Nitihka jerita,
maya nya menua benung napi penanggul ampuh bah. Semua bansa benung kiruh mai
surat sida ngagai endur ti likun; bala Ribai, bala China enggau Melayu bala nyimpan surat
sida ba dalam tupi tang mih bala Iban ngikatka surat sida ba punggung. Nya alai
enggi Iban tu basah lebuh dibai bejalai nyelamatka diri ari penusah ampuh bah. Lebuh
datai ba tanah tinggi sida lalu nyembi surat sida ba atas tanah ngichakka iya rangkai
tang enda mukai-mukai burung datai lalu nyambar sereta nabanka surat sida nya
ngujungka sida nadai agi surat tang semina mending ari burung aja. Nya mih
kebuah kenyau ari sehari nya raban bansa Iban nadai ngembuan sistem tulis
enggau surat. Sida lalu bepanggai penuh ba burung dalam pengidup sida.
Wikipedia, ensiklopedia bebas
http://borneoparadise.wordpress.com/
Tiada ulasan:
Catat Ulasan