KUCHING: Nembiak sekula bansa Dayak ti bulih kredit ba lima bengkah matapelajar nyengkaum English enggau Matematik ba peresa SPM tau minta loan nampung pelajar ba accountancy enggau finance ngambi program Certified Accounting Technician (CAT) di Kolej Sunway Kuching.
Sapit Presiden Balai Dagang enggau Industri Dayak (DCCI) Dato Sri Celestine Ujang madah, atur tu dipejalaika nengah program pemansang ke diperambu Bumiputera Agenda Steering Unit (Teraju) sereta Yayasan Sarawak.
Iya madah, nembiak ke mujur dalam program CAT deka diberi peluang gawa ba siti ari 25 bengkah kompeni ti ngaul diri dalam projek Score nengah kerejasama pintar tu.
“Atur tu meri awak ngagai sida iya ngerebut pengawa peluang ti disedia SCORE. Nitihka pansik bisi ditemu semua dia agi kurang bansa Bumiputera ke nyadi akauntan ba kompeni.
“Nengah program tu, Yayasan Sarawak deka mantu nembiak mayar bayar ngerejister, tuisyen, bayar ninting taun sereta bayar peresa nitihka atur loan ke alai semua atur deka ditetapka Yayasan Sarawak,” ku iya ba sebengkah penerang berita empai lama ke udah.
Pengawa ngelaku, meri penerang senentang program tu udah diatur bedau lama tu tadi ti dipenyadika Ujang.
Sepenyampau 30 iku orang ti ngarika SDNU, Sarawak Dayak Graduates Association (SDGA), Sarakup Indu Dayak Sarawak (SIDS) datai ngulu pengawa nya..
Bela bisi datai ngulu pengawa ke diatur sekretariat DCCI, kepala pemesai eksekutif Kolej Sunway Kuching Joseph Lim. (http://www.theborneopost.com/2013/05/05/)
Tiada ulasan:
Catat Ulasan