Pemuka Jaku

Pemuka Jaku
Niat ati penulis nengkebang siti blog ngena jaku Iban ngambika jaku tu enda lenyau mabun laya nitihka aki ini kitai ke Serawai Mandai Betangga Tunggang lalu pia mega awakka iya tau nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang. Laman tu ukai semina ngenang pasal pemansang jaku Iban di sekula enggau budaya bansa Iban tang mega ngenang pekara pasal pengerindu diau begulai sejalai sereta bekunsi tuju pengidup enggau mayuh pupu raban bansa ba Malaysia. Kepenudi bendar, laman tu dikarapka ulih nyadika penyanding penemu ngagai bala nembiak ke agi belajarka jaku Iban baikka iya di tikas sekula, institut pematih pengajar tauka universiti.
"Dikelala Buah ari Langgu, Dikelala Basa ari Penyiru, Dikelala Bansa ari Jaku"

Ahad, 4 Ogos 2013

Nampung Serak Peranak Malaysia Ke Bankrap

Kira-kira 80% peranak menua Malaysia (CAP:2006) ke napi penanggul bankrap nya sida ke beumur entara 20 ngagai 30 taun! Tu siti fakta ke tau bendar ngenyitka ati raban apai indai. Nama kebuah pekara ti baka tu ulih nyadi? Nama empas iya ngagai serak ke dudi jemah ila lalu ngagai menua kitai?


Utai ti balat bendar kritikal kemaya hari tu mega penanggul duit tauka salah jalai ngena duit nyau ngerekai ngagai raban penatai pemisi ke baruh baik nya di nengeri tauka di menua pesisir. Utai tu nyadi bepun ari apai indai ke nadai nyemai sereta narak anak sida ari mit baka ni ngaturka sereta bebelanja ngena duit.


Utai ke udah nyadi kemaya hari tu nya raban nembiak rebak baru benung napi diri enggau penanggul ngaturka duit ke jauh bendar bebida ari sida ke tuai menya. Nya alai, raban apai indai, sekula enggau ejensi ti relevan patut bendar beganding bau bekerejasama mutarka penanggul tu ari majak nyadi.

Posted by at
Labels:

Tiada ulasan:

Catat Ulasan

Langgan: Catat Ulasan (Atom)