Mayuh bengkah kereban dikena kitai nya ngulihka ikan.
Pukat tauka jarin dikena orang berikan di tasik. Dikena ngulihka ikan dalam
sungai kitai ulih ngena mayuh bengkah pekakas kena nangkap ikan. Kelimpah ari
pukat mit, kitai mega ulih ngena bubu, jala enggau seliduk. Siti ari chara
berikan nya ngena sebengkah pekakas ke nyau sebaka enggau pakak , iya mega
dikumbai seliduk.
Seliduk dikena ngulihka ikan di sungai. Nyentuk ngagai
sehari tu pekakas tu agi dikena ba sekeda endur. Pekakas tu enda sebaka pemesai
ngambika iya tau dikena bala nembiak sereta orang besai tuai . Seliduk dibida
nengah pemesai ke alai seliduk mit dikena bala nembiak lalu ke besai nya dikena
orang tuai.
Pengawa ngulihka ikan ngena seliduk dikumbai nyeliduk.
Pengawa nyeliduk dikereja maya datai musin ikan ke mayuh datai ari ulu sungai. Enti
pengawa nyeliduk dikereja maya ai surut reti nya orang ke nyeliduk semina
ngulihka ikan ke anyut dibai ai surut. Seraya maya ai pasang, pengawa nyeliduk
tu dikereja laban deka ngipa ikan ke deka mudik ke ulu sungai nitihka arus ai
sungai.
Pengawa nyeliduk tu agi dikemeran nyentuk ke sehari tu
laban deka ngulihka ikan ngambika bisi dipais. Ikan sungai ti ulih ditangkap
ngena seliduk nya baka ikan sepat, baung tauka talapia ke bebesai.
Tiada ulasan:
Catat Ulasan