Pemuka Jaku

Pemuka Jaku
Niat ati penulis nengkebang siti blog ngena jaku Iban ngambika jaku tu enda lenyau mabun laya nitihka aki ini kitai ke Serawai Mandai Betangga Tunggang lalu pia mega awakka iya tau nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang. Laman tu ukai semina ngenang pasal pemansang jaku Iban di sekula enggau budaya bansa Iban tang mega ngenang pekara pasal pengerindu diau begulai sejalai sereta bekunsi tuju pengidup enggau mayuh pupu raban bansa ba Malaysia. Kepenudi bendar, laman tu dikarapka ulih nyadika penyanding penemu ngagai bala nembiak ke agi belajarka jaku Iban baikka iya di tikas sekula, institut pematih pengajar tauka universiti.
"Dikelala Buah ari Langgu, Dikelala Basa ari Penyiru, Dikelala Bansa ari Jaku"

Jumaat, 1 Januari 2016

Selamat Taun Baru 2016

Tabi basa nuju semua raban pemacha ti udah angkun macha blog sereta meri Selamat Taun Baru 2016. Taun 2016 blog tu udah masuk taun ke tujuh. Penulis meri besai terima kasih ngagai semua raban pemacha ti udah angkun macha kereban ti ditulis dalam blog tu sereta terus nyukung pemansang blog tu. Terima kasih mega ngagai raban pengeluar Majalah Pegari ti semampai nyukung ngerembaika artikel ditu ngagai raban pemacha majalah Iban. Naka kediatu bisi 658 iti artikel udah ditulis sereta dikeluarka dalam blog tu. Penulis ngarapka iya tau diguna dikena nambahka kereban bacha dalam jaku Iban setipak enggau pemansang jaku Iban di sekula.
Posted by at
Labels:

Tiada ulasan:

Catat Ulasan

Langgan: Catat Ulasan (Atom)