Kereja sambil ti pegari maya taun 2016

Panyun jaku

KEREJA sambil  nama ti dikerinduka rayat Malaysia kemaya hari tu? Munyi ku siku menteri, anang enda gawa lebih ari siti dikena napi kos daya idup ti majak niki. Nya mih kebuah, ditu dirintaika lapan kereja  ke dipelabaka ulih meri sekeda idea ngagai bala kitai ti bisi ati deka ngiga kereja sambil dikena napi kos daya idup kemaya hari.

Batang kenang

Nya alai dirintaika ditu lapan bansa kereja ke dipelabaka ulih meri sekeda idea ngagai balai kitai ti bisi ati deka bekereja sambil.

1. Promoter tauka Pegawai promosi

Kereja siku orang promoter nya ngelakuka barang ti dijual lalu mega nerangka pekara sentang produk ti dijual nya. Gaji siku promoter biasa nya diberi entara RM400-500 sehari tang komisen dikira per jam tauka penyampau produk dijual. Enti bisi nasit mayuh macham elaun bukai mega deka diberi.

Promoter  suah diberi pugu gaji ti tau dikira tinggi, iya nya entara RM1,400-RM1,800 sebulan. 

2. Pemantu jual tauka sale assistant ba kiosk @ pasar raya

Ba mayuh endur bejual-beli bisi booth mit tauka kiosk ti bejualka barang-barang baka kerusang, ubat tradisional, tudung, baju tauka pemakai rumpas. Booth baka tu endang seruran begunaka pekereja sambil, baik nya syif siang tauka malam. Gaji iya entara RM900-1,300 sebulan.

3. Restoran pemakai rumpas

Restoran pemakai rumpas baka Sugar Bun, MacD, KFC endang udah lama nyadi palan kereja sambil ti pengabis popular. Kebuah pia, laban nyau deka ninting jam kereja puang tu bisi digerah ba dini-dini endur. Mayuh bagi pengawa di restoran pemakai rumpas begunaka pekerja sambil baka pengawa delivery, tukang wang  enggau penempara.

4. Blogger

Diatu nyau majak mayuh nembiak sekula enggau sida indu ke enda gawa tang udah beruang bilik ngambi blogger nyadika kereja sambil sida. Iya ukai semina ngerinduka ati tang mega ulih mai penatai pemisi ti chukup manah. Enti salah hari ulih nyadi tebilang baka sida artis tauka raban politik.

Pekara ti ditulis sida blogger tu lebih ngagai review produk tauka sesebengkah servis. Raban pengiklan selela agi sanggup mayar sida blogger tu entara RM500-1,000 ungkup sesebengkah review, bepanggai ba populariti sesebuah blog nya.

5. Pengelicha sambil / pengajar tuisyen

Pengelicha sambil begunaka sesebengkah pemandai ti pengabis tinggi enti dibanding enggau kereja sambil ti bukai. Iya ke suah nyadi nya institut pelajar tinggi deka muka gerah pengawa puang ungkup pengawa pengajar sambil tu.

6. Despatch / runner

Ngagai sida ke deka nambahka penatai pemisi sida, gawa nyadi despatch tauka runner endang bisi penguntung kelebih agi baka bisnes online diatu ti benung regas bendar dipejalaika. Mayuh pedagang online di luar din begunaka despatch tauka runner.

Mudah amat chara. Enti bisi ati, buka aja siti akaun Facebook page ungkup servis tu. Tentu mayuh orang begigaka kitai udah nya. Enti bisi ati deka minta nyadi despatch chara nyambil tau mega ngelawa laman web gerah pengawa puang.

7. Ejen jual

Kereja sambil nyadi ejen bejualka barang tauka produk endang udah tebilang ba raban nembiak universiti. Sida tu suah agi nyadi ejen bejualka produk-produk pengerai enggau ti bukai. Dalam timpuh sebulan, bepanggai ba pemayuh pemeli tetap sida, pengulih penatai pemisi siku ejen jual ulih datai ngagai RM1,000 tauka lebih.

8. Perunding Wang

Perunding tauka konsultan sambil ngembuan jam kereja ti flexible. Kompeni insurans bisi nyediaka pengawa puang nyadi perunding sambil. Sida ti dipinta masuk pengawa tu mesti ngembuan diploma tauka degree ke alai gaji ninting bulan sida ulih datai ke RM2,000-3,000. Iya ti naritka ati nya, latih mega bisi diberika sida kompeni.

Penutup jaku

Nya ku gaya sekeda ari pengawa sambil ti deka pegari dalam taun 2016. Dipelabaka deka mayuh agi rayat Malaysia nyadi pekereja sambil laban kos daya idup ti majak tinggi kemaya hari tu.