Unit 6 Rambai Jaku Nama

6.1       Pun Jaku

Rambai jaku tau digaga ari siti tauka lebih leka jaku ti nyadi konstituen dalam sesebengkah ayat. Dua bansa elemen ti nyadi konstituen ayat pelasar jaku Iban nya dikumbai subjek enggau predikat.  Dalam jaku Iban, konstituen ayat tau digaga ari empat bansa rambai jaku, iya nya rambai jaku nama (RJN), rambai jaku pengawa (RJP), rambai jaku adjektif (RJA) enggau rambai jaku penempat (RJPt). Empat tukuh ayat pelasar jaku Iban nya baka tu:

(i)           RJN + RJN

(ii)          RJN + RJP

(iii)         RJN + RJA

(iv)         RJN + RJPt

Dalam semua pola ayat di atas, penuduk rambai jaku nama nya ngisi konstituen subjek; rambai jaku nama semina bisi dikena ngisi konstituen predikat ba pola RJN + RJN.

Chunto:

Subjek Rambai Jaku Nama	Predikat Rambai Jaku Nama
1.  Sawai 2.  Menyadi tuai aku 3.  Entugan 4.  Bala temuai nembiak  nya 5.  Apai Gima	pengajar. pengajar kelas anak mit. mandal tuai rumah. nembiak ari universiti. polis.

Chunto ayat di atas nunjukka rambai jaku nama tau digaga ari sigi leka jaku tauka lebih ari sigi leka jaku.

Dalam pola ayat RJN + RJP, kelimpah ari ti ngisi konstituen subjek, rambai jaku nama mega duduk ba konstituen objek, nangkan jaku pengawa transitif.

Chunto:

Subjek Rambai Jaku Nama	Predikat Rambai Jaku Pengawa
6.  Temuai nya 7.  Kami sekelas 8.  Panchar lampu pichit nya	Jaku Pengawa	Objek
	nanya ngumpul nerangka	aku. uras. lubang gua.

Dalam pola ayat RJN + RJPt, penuduk rambai jaku nama tau ngisi ruang ti nangkan jaku penempat ba konstituen predikat.

Chunto:

Subjek Rambai Jaku Nama	Predikat Rambai Jaku Penempat
9.  Apai aku 10.  Jalai tama bilik besai nya 11.  Bilun nya	Jaku Penempat	Rambai Jaku Nama
	di ari ke	Miri. mua pintu besai. Kota Kinabalu.

6.2   Konstituen Rambai Jaku Nama

Konstituen tauka elemen ti dikena ngisi rambai jaku nama nya digaga bepun ari jaku nama. Pugu RJN tu tau digaga ari siti tauka lebih leka jaku ti nyengkaum penerang iya.

Chunto:

Subjek Rambai Jaku Nama	Predikat
	Rambai Jaku Pengawa	Rambai Jaku Penerang
		Jaku Penempat	Rambai Jaku Nama
12. Sida sebuat 13. Lumur telefon iya 14. Pemaju pelajar anak 15. Mina 16. Lori batang nya	bekuli bisi bepanggai amat ngerat ikan bejalai beseranyat	di ba ba ngena nengah	Kuching. aku. sukung apai indai. lungga apai iya. jalai renjan.

Dalam ayat penerang, elemen ukai jaku nama mega tau ngisi penuduk rambai jaku nama.

Chunto:

   17.  Bejalai ninting hari/ tau ngasuh tubuh pengerai.

   18.  Ngarang berita/ ngemuaska ati iya.

   19.  Masau jam/ ngerugi diri empu.

Ba chunto ayat di atas, leka jaku bejalai, ngarang, enggau masau nya ukai jaku nama. Taja pia, dalam konteks ayat, iya tau ngisi ruang elemen rambai jaku nama ba ayat nya.

            Disimpul ngena jaku pandak, elemen pugu rambai jaku nama ukai semina tau diisi ngena elemen jaku nama aja, tang mega tau diisi ngena jaku pengawa enggau jaku adjektif ti duduk ba konstituen subjek ayat.

6.3   Atur Ngaga Rambai Jaku Nama

Rambai jaku nama tau dipenyadi ari seleka jaku tauka lebih. Enti iya digaga ari dua tauka lebih ari dua leka jaku, rambai jaku nama nya ngundan elemen pugu enggau penerang. Rambai jaku nama ti ngundan elemen pugu enggau penerang nya baka ke diterangka ngena chunto ti nangkan tu:

6.3.1   Tukuh Rambai Jaku Nama: Pugu + Penerang

Rambai jaku nama ti bansa tu tau dibagi ngagai dua raban, iya nya:

(i)        pugu + penerang nama

(ii)          pugu + penerang ukai nama

    

(i)  Pugu + penerang nama

Rambai jaku nama ti bansa tu tau digaga ari  mayuh leman baka ke diterangka ngena chunto ti nangkan tu:

(a)          penerang nama peturun

(b)          penerang nama bansa

(c)          penerang nama penyambut

(d)          penerang nama guna

(e)          penerang nama penempa

(f)           penerang nama tempat

(g)          penerang nama adap

(h)          penerang nama perengka tubuh

(i)            penerang nama pun penatai kuasa

(j)            penerang nama pekara

(k)          penerang nama pengempu

(l)            penerang nama menyana

(m)         penerang nama gelar

(a)   Pugu + penerang nama peturun

Rambai Jaku Nama
Pugu	Penerang Nama Peturun
orang nembiak soldadu peturun pengajar	Bidayuh China Amerika Raja Murut

(b)   Pugu + penerang nama bansa

           

Rambai Jaku Nama
Pugu	Penerang Nama Bansa
engkuli kayu kasut baju	raras getah belulang setera

           

(c)  Pugu + penerang nama penyambut

Rambai Jaku Nama
Pugu (Nyadi Kereban)	Penerang Nama Penyambut
tating pengarang pam pemalut pengirau	pintu berita ai telih getah

(d)  Pugu + penerang nama guna

Rambai Jaku Nama
Pugu	Penerang Nama Guna
berus batu pemalu penyukung pengeredai	ngeli pengansah temeran tuat lada gari

(e)  Pugu + penerang nama penempa

Rambai Jaku Nama
Pugu	Penerang Nama Penempa
anak manuk orang nembiak mayau	indu laki laki indu laki

(f)  Pugu + penerang nama tempat

Rambai Jaku Nama
Pugu	Penerang Nama Tempat
menua orang indu tebing rapi	pesisir rumah panjai nengeri sungai umai

(g)  Pugu + penerang nama adap

Rambai Jaku Nama
Pugu	Penerang Nama Adap
jalai simpang angin menua sebelah	tengah kanan selatan ulu kiba

(h)  Pugu + nama perengka tubuh

Rambai Jaku Nama
Pugu	Penerang Nama Perengka Tubuh
daun sarung penyakit lampu pala	pending jari kulit pala patung

(i)  Pugu + penerang nama pun penatai kuasa

 

Rambai Jaku Nama
Pugu	Penerang Nama Pun Penatai Kuasa
dapur senapang kipas periuk	gis angin elektrik karan

(j)  Pugu + penerang nama pekara

Rambai Jaku Nama
Pugu	Penerang Nama Pekara
surat pengerami surat hari surat	pengada melah pinang danji gawai sumpah

(k)  Pugu + penerang nama pengempu

Rambai Jaku Nama
Pugu	Penerang Nama Pengempu
perau rumah tangga pengawa penemu	aku kami rumah iya sida

(l)  Pugu + penerang nama tetap

Rambai Jaku Nama
Pugu	Penerang Nama Tetap
Planet Sungai Republik Pemintas Pasar	Jupiter Engkari Indonesia Suez Serian

(m)  Pugu + penerang nama gelar

Nama gelar nya nama pangkat orang. Tukuh rambai jaku nama tu lain mimit ari tukuh rambai jaku nama bukai. Rambai jaku nama ke bukai bepunka pugu lalu ditangkan penerang nama tang lebuh nulis rambai jaku penerang nama gelar, iya dipunka ngena penerang nama gelar + pugu. Chunto:

Rambai Jaku Nama
Penerang Nama Gelar	Pugu
Doktor Profesor Tan Sri Senator Tuai Rumah Tuan Haji	Jawai Ngelambong Bedali Bujang Guyang Kiprawi

(ii)  Pugu + penerang ukai nama

Rambai jaku nama ti masuk ba raban  tu iya nya baka ke diterangka ngena chunto ti nangkan tu:

(a)  penerang penentu

(b)  penerang jaku pengawa

(c)  penerang jaku adjektif

(d)  penerang rambai jaku penempa

(e)  penerang jaku tiap ordinal

(a)  Pugu penerang penentu

Rambai jaku nama ba raban tu tau dibagi ngagai dua bengkah, iya nya penentu mua enggau penentu belakang.

(I)  Penentu mua

Rambai jaku nama ti bansa tu dipunka ngena penerang penentu mua ti ditangkanka enggau pugu.

Rambai Jaku Nama
Penentu Mua		Pugu
Penyampau	Pengenap Tesa
tiga dua semua tiap-tiap	iku buah bala iti	nembiak perau duruk kerusi

(II)  Penentu belakang

Rambai jaku nama  bansa tu dipunka ngena pugu lalu ditangkanka enggau penerang penentu belakang.

Rambai Jaku Nama
Pugu	Penentu Belakang
orang rumah penerang	nyin nya tu

   

(b) Pugu + penerang jaku pengawa

Rambai Jaku Nama
Pugu	Penerang Jaku Pengawa
mija bilik pegung dengah cheremin	makai tinduk nyemerai ngasu nyelam

(c)  Pugu + penerang jaku adjektif

Rambai Jaku Nama
Pugu	Penerang Jaku Adjektif
chura taun minyak anak bulan	kuning baru angi pengkuan terang

(d)  Pugu + penerang rambai jaku penempat

Rambai Jaku Nama
Pugu	Penerang Rambai Jaku Penempat
	Jaku Penempat	Nama
surat penemuai duit sayur perau	ari ke ba dalam ba	menyadi iya nengeri Kuching aku peti chelap pengkalan

(e)  Pugu + penerang penyampau ordinal

Rambai Jaku Nama
Pugu	Penerang  Penyampau Ordinal
tempat anak temuai ringkat serak	kedua kelima belas keseratus kedua puluh ketiga

6.3.2  Tukuh Rambai Jaku Nama: Pugu + Pugu

Tukuh rambai jaku nama ti baka tu nadai ngundan elemen penerang. Bisi dua raban rambai jaku nama ba raban tu, baka:

            (i)         Pugu + pugu sama reti

            (ii)        Pugu + pugu belaban reti

(i)  Pugu + pugu sama reti

Rambai Jaku Nama
Pugu	Pugu
kaban ruai periuk duit reta	belayan balai genuk ringgit tengkira

(ii)  Pugu + pugu belaban reti

Rambai Jaku Nama
Pugu	Pugu
apai chelap aki indu mit jai	indai angat ini lelaki besai manah

6.4       Tusun Konstituen Rambai Jaku Nama

Lebuh nusun konstituen rambai jaku nama, bisi atur ti patut dititih. Atur nya nentuka bagi leka jaku ti patut dulu enggau dudi dalam tukuh sesebangkah rambai jaku nama.

6.4.1    Atur D-N

Reti D nya pekara ke diterangka lalu N nya rambai jaku ti nerangka pekara nya. Nitihka atur tu, jaku ti diterang diengkah ba pun rambai jaku lalu ditangkanka penerang iya.

Rambai Jaku Nama
Diterang (pugu)	Nerang
baju pengajar tepung tembawai pisang manuk	burung matematik pengembai lama guring pansuh

6.4.2  Pekara ke Enda Kena Serangkung Atur D-N

Chunto rambai jaku ke enda kena serangkung atur D-N nya baka tu:

Rambai Jaku Nama
Penerang (N)	Pekara Diterang (D)
kepala tuai penulung indu mandal	pengajar rumah sekretari nengeri penghulu

6.4.3  Jaku Tiap enggau Kangau

Rambai jaku nama ba raban tu tau nyadi ari jaku tiap + pengenap tesa (tau bisi tau nadai) + pugu.  Enti penyampau nya satu, pengenap tesa ditulis besambung enggau penambah se-. Chunto:

satu raban       seraban

satu ribu           seribu

(i)  Jaku tiap

Chunto rambai jaku tiap nya baka tu:

Rambai Jaku Nama
Tiap	Pengenap Tesa	Pugu
tiga seraban semua sekeda dua	iku - - - Buah	temuai entambah kaban kitai rumah

(ii)  Nama kangau enggau gelar

Nama kangau enggau gelar ditulis dulu ari pugu rambai jaku nama  lalu enda disengkaum atur D-N

Rambai Jaku Nama
Kangau/Gelar	Pugu
Penghulu Raja Tuai Rumah Manang Lemambang	Gerinang Ribai Meragan Kandau Umin anak Saban

6.4.4  Penerang

Elemen penerang dalam rambai jaku nama tau digaga nitihka tukuh ti baka tu:

Pugu + Penerang Adjektif + Penerang + Penentu Belakang

Chunto:

Rambai Jaku Nama
Pugu	Penerang Adjektif	Penerang Jaku Nama	Penentu Belakang
kasut bilik mija perau	baru besai segala panjai	iya rumah kami kita	nya nya tu nya

Enti pugu rambai jaku nama digaga ari jaku nama turu ti ditangkanka penerang adjektif tukuh iya tau baka tu.

Chunto:

Rambai Jaku Nama
Pugu Jaku Nama Turu	Penerang Adjektif
margin untung jam tangan botol kacha	Kasar baru mirah

Rambai jaku nama tau mega ngundan lebih ari siti penerang.

Chunto:

Rambai Jaku Nama
Pugu	Penerang I (Adjektif)	Penerang II (Rambai Jaku)		Penentu Belakang
		Pugu	Penerang
motosikal bilik perau komputer	baru besai panjai baru	apai rumah sida aka	aku batu Nyalu aku	nyin nya nya tu

Kelimpah ari tukuh baka ke diterangka di atas tadi, tukuh rambai jaku nama tau mega digaga nitih ke tukuh ti baka tu:

Rambai Jaku Nama
Pugu	Penerang I (Rambai Jaku)		Penerang II (Rambai Jaku)		Penentu Belakang
	Pugu	Penerang	Pugu	Penerang
bup ruang pengani dapur	kulit bilik rumah gis	mipis temuai panjai biru	rega rumah kitai apai	murah kami mayuh aku	nyin - - tu

6.5       Simpul Penemu

Pekara ti udah dipejuraika dalam bagi tu, terang bendar ngayanka tukuh rambai jaku nama dalam jaku Iban ngembuan tusun ti kompleks. Nya alai lebuh ngaga rambai jaku nama, kitai patut selalu bejimat ngambika rambai jaku ti digaga kitai nya ulih ngayanka jalai Iban mansutka runding ti bendar.