PRINSIP PELASAR NGENA KEREBAN BANTU NGAJAR
Bisi dua penemu ti belaban enggau pangan diri
senentang pengawa ke bekenaka kereban bantu ngajar maya ngajar mata pelajar
jaku.
Penemu keterubah ngumbai pengawa ke bekenaka kereban
bantu ngajar nya ukai pekara ti patut dikemeratka raban pengajar ketegal ari tukuh
penyadi jaku nya empu. Ku sida, jaku bebida enggau mata pelajar bukai ke
betukuhka fakta lalu jaku nya lebih ngagai tukuh komunikatif. Nya alai, guna
kereban bantu ngajar kurang dikemeratka bebanding enggau mata pelajar bukai
baka Geografi tauka Sejarah. Nambahka nya mega, bisi sekeda pengajar ngembuan
penemu ke madah semina bup teks aja diguna lalu kereban bantu bukai enda ibuh
dikena lebuh ngajar Jaku Iban. Bisi
sekeda pengajar madah, “Kami ulih ngajar Jaku Iban enggau semitan taja pan kami
jarang ngena kereban bantu ngajar kelimpah ari bup teks.”
Penemu kedua nganggap pengawa ke bekenaka kereban bantu
ngajar nya tau bendar ngasuh pengawa ngajar nya semitan agi ari selama.
Penyukung penemu tu madahka ukai semina penyuah ngena tang pemayuh macham
kereban mega dikira. Ba sida, pengajar jaku, sida mesti semampai ngena mayuh
leman kereban bantu ngajar maya ngajar. Ba penemu sida, pengawa ke bekena
kereban bantu ngajar nya siti faktor ke ngasuh pengajar nya ngajar enggau
efektif agi. Reti nya, pengajar ke jarang ngena mayuh macham kereban dikira
pengajar ke enda efisyen. Nya kebuah ba penemu sida, sida enda pechaya enti pengajar
ke semina ngajar ngena bup teks ngajar jalai jaku pengajar ulih mujur ngajar
nembiak iya.
Dua iti penemu di atas nya enti diperati endang betukuh
ekstremis. Penemu keterubah nya kelalu ngemaruhka tuju kereban bantu ngajar nya
dikena maya ngajar jaku, lalu iya ke kedua nya kelalu ngemesaika guna kereban
bantu ngajar.
Endang enda ulih disakalka agi kereban bantu ngajar
nya sigi beguna amat maya ngajar jalai jaku baka mega mata pelajar bukai. Taja
pia, guna kereban tu ukai bepanggai ba penyuah enggau pemayuh bansa kereban.
Bisi dua faktor ti patut dikemeratka pengajar iya nya pematut kereban ke deka
dikena nya enggau pemandai pengajar ngena kereban nya.
Sesebengkah kereban mesti engkeman enggau aktiviti
ngajar enggau belajar ti deka dipejalaika ba bilik kelas.
Enti pengajar Jaku Iban deka nerangka sesebengkah
aspek jalai jaku ngagai semua nembiak dalam kelas iya, dia kereban ke dikena
iya ngayanka isi pelajar nya mesti chukup pemesai ngambika ulih dipeda semua
nembiak nyengkaum sida ke duduk ba belakang bilik kelas. Charta enggau papan
gulung nya dua kereban bantu ngajar ti engkeman enggau tuju tu. Taja pia enti
pengajar deka bejalaika aktiviti sara penemu entara nembiak ba raban ke mit
tauka bepasang, dia kad enggau bup folio nya kereban ti engkeman agi dikena.
Ba pelajar ti befokuska pengelandik mending enggau
bejaku, radio enggau kereban pemain audio rekod nya dua kereban ti beguna amat.
Ambika banding, pengajar ngelanggur deka mandangka kaul entara intonasyen
enggau reti: intonasyen orang ke nyebut nya nentuka sekalika ayat nya ayat
penerang, ayat tanya tauka ayat tekenyit baka ke diayan ba chunto di baruh tu:
1.
|
Timo
datai lagi.
|
2.
|
Timo datai lagi?
|
3.
|
Timo datai lagi!
|
Pengawa ke ngena kereban audio rekoding meri peluang
ngagai nembiak mending lalu meratika mayuh leman pola ayat. Pengajar mega ulih
meri peluang ngagai nembiak iya belatih sereta nyerenih prestasi sida empu
nengah chara ngerekod lalu bemainka baru jaku sida nembiak nya.
Kereban ti engkeman mega bisi kaul enggau kualiti sesebengkah
kereban nya. Enti kereban nya digaga pengajar nya empu, katika asil ke digaga
iya nya manah? Ambika banding, sebengkah charta ti ngundan ayat enggau gambar;
kualiti iya diperatika ari sekeda sukut. Katika isi nya bisi kaul enggau pangan
diri? Katika kereban nya ditusun enggau kemas sereta terang? Katika tulis ba
charta nya chukup pemesai? Katika gambar nya ulih narit ati nembiak? Enti ngena
kereban audio rekoding, dia utai ke direkod nya mesti bisi kualiti: isi iya
bisi kaul, terang ari sukut jaku lalu bunyi rekoding nya mega ulih narit ati
nembiak ke ninga. Kereban rekod ke dikena bemainka kereban ke direkod nya mega
mesti enda jai.
Ari sukut efisien pengajar, nya tau diperatika ari
penau iya ngena kereban bantu ngajar nya. Faktor pengajar mega dikira sama
pemerat enggau kereban ke deka dikena iya ngajar. Sebengkah kereban ti
bekualiti enda beguna enti iya dikena pengajar ke enda efisien. Pengajar mesti
nemu maya sesebengkah kereban nya patut dikena sereta chara ke manah ngena
kereban nya ba sesebengkah awak pelajar. Teknik ngena kereban nyengkaum chara
mantaika kereban, rurun langkah mantaika isi, befokus ngagai pekara ti
nyemetak, betanya saut enggau bala nembiak senentang isi pelajar enggau hal ti
bukai. Ba hal bekenaka kereban elektronik dia pengajar ukai semina mesti nemu
ngena kereban pengerekod tauka projektor LCD tang mega ulih ngena iya enggau
chukup landik ba bilik kelas.
Nya alai, prinsip pelasar lebuh bekenaka kereban bantu
ngajar ungkup ngajar jalai jaku patut dipeda ari sukut pengajar. Iya mesti
milih bansa kereban ti engkeman enggau aktiviti ngajar ti udah dilanggurka iya
lalu mega landik ngena kereban nya awakka ngemudahka nembiak meretika isi
pelajar.
BUP SANDING PENEMU
Abdullah Hassan 1984, Linguistik Am untuk Guru
Bahasa Malaysia, Penerbit Fajar Bakti Sdn.Bhd. , Petaling Jaya.
_________________ (ed) 1987, Kesalahan Bahasa dalam
Bahasa Melayu, Dewan Bahasa dan Pustaka (DBP) Kuala Lumpur.
_________________ 1974, The Morphology of Malay,
Dewan Bahasa dan Pustaka (DBP) Kuala Lumpur.
Anthony, E.M. (ed). 1976, Reading:
Insights and Approaches, Singapore University Press, Singapore.
Ashley, R.S., 1984, Successful Techniques for Teaching
Elementary Language Arts, Parker Publishing, New York.
Asmah Haji Omar dan Rama Subbiah
(1968), An Introduction to Malay Grammar,
Dewan Bahasa dan Pustaka (DBP) Kuala Lumpur.
_________________ (ed)1984, Kaedah
Pengajaran Bahasa. Dewan Bahasa dan Pustaka (DBP) Kuala Lumpur.
Azman Wan Chik (1981), Prinsip dan Kaedah Mengajar Kesusasteraan
Melayu, Utusan Publications, Kuala Lumpur.
_________________ 1982, Ujian
Bahasa Malaysia, Dewan Bahasa dan Pustaka (DBP) Kuala Lumpur.
_________________ (ed)1986, Mengajar
Bahasa Malaysia: Latihan Guru dan Bahan, Dewan Bahasa dan Pustaka (DBP) Kuala
Lumpur.
Gurner, R. (1976), Language, Learning and Remedial Teaching, Edward
Arnold, London.
Koh Boh Boon (1981), Pengajaran Bahasa Malaysia, Utusan
Publications, Kuala Lumpur.
Koh Boh Boon (1990), Pengajaran Tatabahasa Bahasa Malaysia:
Prinsip dan Teknik, Penerbit Fajar Bakti Sdn. Bhd., Kuala Lumpur.
_________________ 1981, Pengajaran
Pemulihan dalam Bahasa Malaysia, Dewan Bahasa dan Pustaka (DBP) Kuala
Lumpur.
_________________ 1984, Bahan
Pengajaran Kendiri Terancang, Dewan Bahasa dan Pustaka (DBP) Kuala Lumpur.
_________________ (ed) 1989, Perspektif-perspektif
dalam Pengajaran Bahasa Malaysia, Dewan Bahasa dan Pustaka (DBP) Kuala
Lumpur.
_________________ 1978, The
Teaching of Malay Affixes, Penerbit Fajar Bakti Sdn. Bhd., Kuala Lumpur.
Lado, R., (1976), Language Teaching: A Scientific Approach, Tata
McGraw-Hill Publishing, Bombay.
Lim Kiat Boey (1975), An Introduction to Linguistics for the
Language Teacher, Singapore University Press, Singapura.
Lufti Abas (1975), Tatabahasa Perbandingan: Predikat, Dewan
Bahasa dan Pustaka (DBP), Kuala Lumpur.
_________________ 1976, Tatabahasa
Perbandingan: Ayat, Dewan Bahasa dan Pustaka (DBP) Kuala Lumpur.
Mackey, W.F., (1978), Language Teaching Analysis, Longman,
London.
Mashudi B.H. Kader ((1981), The Syntax of Malay Interrogatives, Dewan Bahasa dan Pustaka (DBP), Kuala Lumpur.
Mohd. Taib Osman (ed), (1977), Pengajaran Bahasa dan Kesusasteraan
Malaysia, Dewan Bahasa dan Pustaka (DBP), Kuala Lumpur.
Nik Safiah Karim (1978), Bahasa Malaysia Syntax, Dewan Bahasa dan
Pustaka (DBP), Kuala Lumpur.
_________________ (ed), 1986, Bahasa
Melayu Tinggi: Teori dan Penerapan, Dewan Bahasa dan Pustaka (DBP) Kuala
Lumpur.
_________________ et al. (ed), 1982, Tatabahasa Dewan:
Ayat. Dewan Bahasa dan Pustaka (DBP) Kuala Lumpur.
_________________ et al. (ed), 1989, Tatabahasa Dewan:
Perkataan. Dewan Bahasa dan Pustaka (DBP) Kuala Lumpur.
Payne, E.M.F., (1970), Basic Syntactic Structures in Standard
Malay, Dewan Bahasa dan Pustaka (DBP), Kuala Lumpur.
Raminah Hj. Sabran dan Rahim
Syam (1985), Kaedah Pengajaran Bahasa Malaysia, Penerbit Fajar Bakti Sdn. Bhd., Petaling Jaya.
Richards, J.C. dan Rodgers, T.S.
(1986), Approaches and Methods in
Language Teaching, Cambridge University Press, Cambridge.
Rivers, W.M. (1981), Teaching Foreign-Language Skills, The
University of Chicago Press, Chicago.
Sofiah Hamid dan Zaiton Ab.
Rahman (ed), (1988), Ke Arah
Keprofesionalan Guru Bahasa dan Sastera Melayu, Dewan Bahasa dan Pustaka
(DBP), Kuala Lumpur.
Stern, H.H. (1983), Fundamental Concepts of Language Teaching, Oxford
University Press, Oxford.
Wilkins, D. A., (1978), Linguistic in Language Teaching, ELBS
and Edward Arnold, London.
_________________ 1981. Second
Language Learning and Teaching, ELBS and Edward Arnold, London.
Tiada ulasan:
Catat Ulasan