Ngajar Sistem Jaku Jaku Iban: Prinsip enggau Teknik Tusun Kesemilan

GUNA KEREBAN BANTU NGAJAR

Enti diperati ari sukut rama dia kereban bantu ngajar nya tau dikumbai kitai semua utai ke dikena pengajar ngemudahka pelajar nembiak iya. Ambika chunto, siku tukang kebun begunaka mayuh macham kereban baka duku, kapak, changkul enggau ti bukai dikena iya kereja ba kebun. Baka nya mega siku pengajar begunaka mayuh macham kereban nyengkaum bup, papan tulis, kad, charta, audio rekod enggau projektor LCD maya iya ngajar ba bilik kelas.

Pengajar ngena sesebengkah kereban maya ngajar ngambika kereban nya ulih mantu iya ngenataika pelajar iya enggau effisien sereta segemitan agi.

Pengelandik pengajar dipeda ari sukut bejimatka jam enggau energi. Ambika banding, lebuh iya ngena charta ke ngundan atur jalai jaku ti ditusun betampung-tampung lalu disempulang enggau chunto dikena nerangka atur jalai jaku dia pengajar Jaku Iban nya enda ibuh agi nulis ba papan tulis sambil iya ngajar. Nyadi guna charta tu dikena ngelancharka pengawa iya mantaika aspek jalai jaku ke deka diajarka iya.

Ba pekara segemitan pengajar mantaika pelajar iya ngena kereban bantu ngajar ulih dipeda ari sukut pemereti nembiak nemu aspek jalai jaku ti udah diajarka pengajar. Hal segemitan tu tentu bisi kaul enggau pengelandik pengajar mega. Ambika chunto, maya ngena audio rekod pengajar ulih bemainka rekod senentang randau pandak ti madahka enggau terang nitihka konteks bida guna sekeda leka jaku ti bisi penambah. Audio rekod randau pandak ulih ngasuh pengawa ngajar nya enggau terang agi, bisi reti sereta ulih narit ati bala nembiak. Empas ari tu , nembiak ulih mereti sereta nemu guna leka jaku ti bisi penambah.

Baka ni kereban bantu ngajar tu ulih dikena pengajar mantu nembiak iya meretika pelajar?

Meretika sesebengkah pekara begunaka pengasai tauka deria nembiak ti mungkur hal ensium, negu, ngasai, mending enggau meda. Dua pengasai ti suah dikena maya belajar iya nya mending enggau meda.

Kitai ulih melaba enti maya sesebengkah pelajar dipejalaika mayuh deria  ti digunaka sida reti nya engka mudah agi isi pelajar nya dipereti sereta diingatka sida nembiak. Nya kebuah sebengkah pelajar dikenataika nengah televisyen nya segemitan agi bebanding enggau pelajar ti dikenataika nengah radio laban nembiak ulih meda sambil mending tang radio semina mungkur mending aja. Nya alai kemaya hari tu kereban peda-pending (audio-visual) diatu nyau majak dikena ba pengawa ngajar jaku. Kereban bantu ngajar tu mega dipeda segemitan laban iya ulih dikena enggau maksimum. Kebuah pia, laban kereban tu ulih ngasuh isi pelajar nya dibantai enggau manah, naritka ati sereta realistik.

Ambika banding, ba hal belajarka ayat jaku sebut enggau jaku tusui, pengajar ulih ngena gambar kartun dikena iya nerangka chara nukar ayat jaku sebut ngagai ayat jaku tusui. Pengawa ke bekenaka gambar kartun tu ulih narit ati sereta perati nembiak lalu tu ulih nyaminka pemereti sida senentang pekara nya.

Pengajar mega ulih ngena audio rekod ke alai siku orang bejaku pasal sesebengkah pekara lalu siku agi nya ngeripotka jaku nya. Enggau chara tu sebengkah situasyen belajar ke sebaka enggau utai ke amat nyadi ulih ditempa baka chunto di baruh tu:

PERUMPAK:	Aku deka ngerumpak bank lemai pagila.
PECHILIN:	Perumpak nya bisi ati deka ngerumpak bank lemai pagila.

Pengawa ke bekenaka audio rekod nya tau bendar ngasuh proses belajar nya bisi agi reti laban iya ulih nyaup nembiak ngingatka pekara ti dipelajarka sida.

Enti disimpulka enggau jaku pandak, reti nya guna kereban ngajar tu sebengkah pekara ti beguna bendar dalam pengawa belajarka jalai jaku.

BUP SANDING PENEMU

Abdullah Hassan 1984, Linguistik Am untuk Guru Bahasa Malaysia, Penerbit Fajar Bakti Sdn.Bhd. , Petaling Jaya.

_________________ (ed) 1987, Kesalahan Bahasa dalam Bahasa Melayu, Dewan Bahasa dan Pustaka (DBP) Kuala Lumpur.

_________________ 1974, The Morphology of Malay, Dewan Bahasa dan Pustaka (DBP) Kuala Lumpur.

Anthony, E.M. (ed). 1976, Reading: Insights and Approaches, Singapore University Press, Singapore.

Ashley, R.S., 1984, Successful Techniques for Teaching Elementary Language Arts, Parker Publishing, New York.

Asmah Haji Omar dan Rama Subbiah (1968), An Introduction to Malay Grammar, Dewan Bahasa dan Pustaka (DBP) Kuala Lumpur.

_________________ (ed)1984, Kaedah Pengajaran Bahasa. Dewan Bahasa dan Pustaka (DBP) Kuala Lumpur.

Azman Wan Chik (1981), Prinsip dan Kaedah Mengajar Kesusasteraan Melayu, Utusan Publications, Kuala Lumpur.

_________________ 1982, Ujian Bahasa Malaysia, Dewan Bahasa dan Pustaka (DBP) Kuala Lumpur.

_________________ (ed)1986, Mengajar Bahasa Malaysia: Latihan Guru dan Bahan, Dewan Bahasa dan Pustaka (DBP) Kuala Lumpur.

Gurner, R. (1976), Language, Learning and Remedial Teaching, Edward Arnold, London.

Koh Boh Boon (1981), Pengajaran Bahasa Malaysia, Utusan Publications, Kuala Lumpur.

Koh Boh Boon (1990), Pengajaran Tatabahasa Bahasa Malaysia: Prinsip dan Teknik, Penerbit Fajar Bakti Sdn. Bhd., Kuala Lumpur.

_________________ 1981, Pengajaran Pemulihan dalam Bahasa Malaysia, Dewan Bahasa dan Pustaka (DBP) Kuala Lumpur.

_________________ 1984, Bahan Pengajaran Kendiri Terancang, Dewan Bahasa dan Pustaka (DBP) Kuala Lumpur.

_________________ (ed) 1989, Perspektif-perspektif dalam Pengajaran Bahasa Malaysia, Dewan Bahasa dan Pustaka (DBP) Kuala Lumpur.

_________________ 1978, The Teaching of Malay Affixes, Penerbit Fajar Bakti Sdn. Bhd., Kuala Lumpur.

Lado, R., (1976), Language Teaching: A Scientific Approach, Tata McGraw-Hill Publishing, Bombay.

Lim Kiat Boey (1975), An Introduction to Linguistics for the Language Teacher, Singapore University Press, Singapura.

Lufti Abas (1975), Tatabahasa Perbandingan: Predikat, Dewan Bahasa dan Pustaka (DBP), Kuala Lumpur.

_________________ 1976, Tatabahasa Perbandingan: Ayat, Dewan Bahasa dan Pustaka (DBP) Kuala Lumpur.

Mackey, W.F., (1978), Language Teaching Analysis, Longman, London.

Mashudi B.H. Kader ((1981), The Syntax of Malay Interrogatives,  Dewan Bahasa dan Pustaka (DBP), Kuala Lumpur.

Mohd. Taib Osman (ed), (1977), Pengajaran Bahasa dan Kesusasteraan Malaysia, Dewan Bahasa dan Pustaka (DBP), Kuala Lumpur.

Nik Safiah Karim (1978), Bahasa Malaysia Syntax, Dewan Bahasa dan Pustaka (DBP), Kuala Lumpur.

_________________ (ed), 1986, Bahasa Melayu Tinggi: Teori dan Penerapan, Dewan Bahasa dan Pustaka (DBP) Kuala Lumpur.

_________________ et al. (ed), 1982, Tatabahasa Dewan: Ayat. Dewan Bahasa dan Pustaka (DBP) Kuala Lumpur.

_________________ et al. (ed), 1989, Tatabahasa Dewan: Perkataan. Dewan Bahasa dan Pustaka (DBP) Kuala Lumpur.

Payne, E.M.F., (1970), Basic Syntactic Structures in Standard Malay, Dewan Bahasa dan Pustaka (DBP), Kuala Lumpur.

Raminah Hj. Sabran dan Rahim Syam (1985),  Kaedah Pengajaran Bahasa Malaysia,  Penerbit Fajar Bakti Sdn. Bhd., Petaling Jaya.

Richards, J.C. dan Rodgers, T.S. (1986), Approaches and Methods in Language Teaching, Cambridge University Press, Cambridge.

Rivers, W.M. (1981), Teaching Foreign-Language Skills, The University of Chicago Press, Chicago.

Sofiah Hamid dan Zaiton Ab. Rahman (ed), (1988), Ke Arah Keprofesionalan Guru Bahasa dan Sastera Melayu, Dewan Bahasa dan Pustaka (DBP), Kuala Lumpur.

Stern, H.H. (1983), Fundamental Concepts of Language Teaching, Oxford University Press, Oxford.

Wilkins, D. A., (1978), Linguistic in Language Teaching, ELBS and Edward Arnold, London.

_________________ 1981. Second Language Learning and Teaching, ELBS and Edward Arnold, London.