Ngajar Sistem Jaku Jaku Iban: Prinsip enggau Teknik Tusun Ketiga belas

NGAJAR PENAMBAH LEKA JAKU

Langkah Rapat

SITI langkah rapat ti semina meri fokus ngagai ‘reti’ penambah nadai meri empas positif ti ngemuaska ati dalam pengawa ngajar penambah dalam Jaku Iban kelebih agi ba peringkat sekula sekondari. Chara ngajar ti semina fokus ngagai pengawa ngiga sereta bejuraika reti penambah semina ulih nerengka reti penambah nya lalu ukai ngayanka  guna leka jaku bepenambah nya. Ketegal pengurang tu, langkah rapat reti ngasuh nembiak semina ngembuan pemereti ti pabu sereta kabur senentang fungsyen jaku penambah dalam Jaku Iban. Tu ngujungka nembiak enda ulih belematika pemanah jaku penambah Jaku Iban nya.

Uji peratika ayat di baruh tu:

1	Anggat Timo bisi sebuah motosikal bekuasa besai. (siti)
2	Nembiak mit nya telelap maya meda televisyen. (enda sengaja)
3	Sida Lebis sebilik bekerita ke Bukit Saban. (nepan)
4	Penyampau peranak nengeri nya majak betambah. (orang)
5	Kami berasai keji meda pengamah parit nya. (situasyen)
6	Seduai menyadi enda kala belaya enggau pangan diri. (ulah entara dua iku orang)
7	Pengajar nya semampai meransang nembiak iya belajar. (ngaga kereja)

Ba ayat di atas, reti tiap-tiap iti jaku penambah udah diberi dalam kurung. Reti tu diberi fokus lebuh leka jaku bepenambah nya dipejuraika. Ambika banding, lebuh ‘sebuah’ ba ayat (1) dipejuraika, iya ti difokuska  ditu nya reti se ti mai reti siti.

Nya alai analisis leka jaku bepenambah ba langkah rapat tu bisi tatak laban iya semina madahka reti penambah nya aja. Langkah rapat tu nadai madahka reti leka jaku bepenambah  nya dalam konteks ayat. Nya kebuah, pengajar mega patut meri perati ti sama berat ngagai konteks ayat ke alai leka jaku bepenambah nya dikena ngambika iya sama dipejurai sereta dianalisis.

Ambika banding ba ayat (2), ‘telelap’ mesti diperati  ari sukut penuduk iya  ba ayat nya. Leka jaku bepenambah tu dikategori jaku pengawa ti bepun enggau subjek (nembiak mit nya) lalu ditangkan enggau rambai jaku penerang (maya meda televisyen). Struktur ayat (2) baka ke ditulis di baruh tu:

Subjek + jaku pengawa + rambai jaku penerang maya

Patut dikingatka mega, struktur ayat ke alai bisi siti leka jaku bepenambah diterangka laban enggau chara tu nembiak ulih meda kaul leka jaku bepenambah  nya leka jaku bukai dalam ayat nya.  Reti nya, penemu senentang struktur ayat enggau penuduk leka jaku bepenambah meransang nembiak ngena  leka jaku tu  dalam situasyen jaku ke nyau deka sama.

Ambika banding ‘telelap’ ba ayat (2) ditangkan enggau siti rambai jaku penerang maya (telelap kemaya?). Ari nya nembiak ulih diberi peluang ngena leka jaku ‘telelap’ ba pola ayat ti nyau deka sama baka chunto di baruh tu:

	Nembiak mit nya telelap	maya mending lagu.
		maya ninga cherita.
		maya ngirup tusu.
		maya macha bup.

Enti disimpulka enggau jaku pandak, nembiak ulih ngena leka jaku bepenambah enggau menyana enti nembiak diayanka struktur ayat tauka rambai jaku ke bisi leka jaku nya.

Nya alai, siti langkah rapat ti ngempungka analisis reti enggau analisis struktur disadang dikena awakka pengawa ngajar jaku penambah nya semitan agi kelebih agi ba peringkat sekula sekondari. Langkah rapat tu dikumbai langkah rapat struktur-reti.

Langkah rapat struktur-reti ukai semina nerangka sesebengkah penambah, tang iya ti dikemeratka ditu iya nya nerangka kaul leka jaku bepenambah nya enggau iya ke bukai ba ayat nya. Nya alai, maya ngajar jaku penambah nitihka langkah rapat struktur-reti, analisis fungsyen sesebengkah penambah ngembuan dua peringkat iya nya (a) reti ti dibai penambah nya, lalu (b) penuduk leka jaku bepenambah nya dalam konteks ayat ti diberi. Kedua-dua peringkat tu mai pemanah ti diarapka iya nya ngambika bala nembiak nemu reti penambah kelimpah ari ngena leka jaku bepenambah nya enggau betul ba ayat. Tu setipak enggau pugu prinsip ngajar jalai jaku iya nya nentuka pekara ti setimbang entara ngemeratka penemu senentang jalai jaku enggau pengawa ke ngemeratka guna jalai jaku.

Ayat	Leka jaku	Reti Penambah	Struktur ayat/rambai jaku
3	bekerita	Nepan	Leka jaku intransitif: ulih ditampung enggau rambai jaku penerang maya, tempat tauka chara.
4	peranak	Orang	Leka jaku nama ti fungsyen iya nyadi adjektif ke  betukuh ‘penyampau’
5	pengamah	Situasyen	Leka jaku nama tumbuh (abstrak) ti bepun enggau jaku pengawa ‘meda’.
6	belaya	Ulah entara dua iku orang	Leka jaku intransitif ti suah ditangkan ‘entara siku enggau ke bukai’.
7	meransang	Ngaga utai	Leka jaku pengawa transitif ti ngambi siti leka jaku nama ‘nembiak iya’.

Langkah rapat struktur-reti meri fokus ngagai struktur ayat/rambai jaku  ke alai jaku penambah nya dikena. Nya alai, latih ngena leka jaku bepenambah ba pola ayat ti/nyau deka sama nya pugu penteba langkah rapat tu. Latih tu nyengkaum latih beturut penganti enggau latih beturut pemindah.

Latih beturut ngembuan tuju dikena meri mayuh latih ti bisi reti  dikena nganti sebagi ari ayat nya enggau chunto ti sebaka tauka sama raban. Ambika banding ‘bekerita’ ba ayat (3) ulih diganti enggau leka jaku bepenambah be- ti bukai baka ‘bemotosikal’, ‘bebasikal’, ‘berakit’ enggau ke bukai.

Latih beturut pemindah nya dikena ngelatih nembiak nganti sebagi ayat enggau sebengkah agi tukuh ti baru. Ambika banding ‘situasyen ti kamah’ diganti enggau ‘pengamah’ baka ke ba chunto di baruh tu.

Tukuh asal	Tukuh baru
Sida berasai keji meda situasyen ti kamah nya.	Sida berasai keji meda pengamah nya.

Disimpulka ditu, langkah rapat struktur-reti nya siti langkah rapat ti tegap agi ari sukut pedagogi enti dibanding enggau langkah rapat tradisional ngajar penambah Jaku Iban. Iya ngembuan mayuh pengulih dikena ngangkatka standard ngajar penambah Jaku Iban di sekula.

BUP SANDING PENEMU

Abdullah Hassan 1984, Linguistik Am untuk Guru Bahasa Malaysia, Penerbit Fajar Bakti Sdn.Bhd. , Petaling Jaya.

_________________ (ed) 1987, Kesalahan Bahasa dalam Bahasa Melayu, Dewan Bahasa dan Pustaka (DBP) Kuala Lumpur.

_________________ 1974, The Morphology of Malay, Dewan Bahasa dan Pustaka (DBP) Kuala Lumpur.

Anthony, E.M. (ed). 1976, Reading: Insights and Approaches, Singapore University Press, Singapore.

Ashley, R.S., 1984, Successful Techniques for Teaching Elementary Language Arts, Parker Publishing, New York.

Asmah Haji Omar dan Rama Subbiah (1968), An Introduction to Malay Grammar, Dewan Bahasa dan Pustaka (DBP) Kuala Lumpur.

_________________ (ed)1984, Kaedah Pengajaran Bahasa. Dewan Bahasa dan Pustaka (DBP) Kuala Lumpur.

Azman Wan Chik (1981), Prinsip dan Kaedah Mengajar Kesusasteraan Melayu, Utusan Publications, Kuala Lumpur.

_________________ 1982, Ujian Bahasa Malaysia, Dewan Bahasa dan Pustaka (DBP) Kuala Lumpur.

_________________ (ed)1986, Mengajar Bahasa Malaysia: Latihan Guru dan Bahan, Dewan Bahasa dan Pustaka (DBP) Kuala Lumpur.

Gurner, R. (1976), Language, Learning and Remedial Teaching, Edward Arnold, London.

Koh Boh Boon (1981), Pengajaran Bahasa Malaysia, Utusan Publications, Kuala Lumpur.

Koh Boh Boon (1990), Pengajaran Tatabahasa Bahasa Malaysia: Prinsip dan Teknik, Penerbit Fajar Bakti Sdn. Bhd., Kuala Lumpur.

_________________ 1981, Pengajaran Pemulihan dalam Bahasa Malaysia, Dewan Bahasa dan Pustaka (DBP) Kuala Lumpur.

_________________ 1984, Bahan Pengajaran Kendiri Terancang, Dewan Bahasa dan Pustaka (DBP) Kuala Lumpur.

_________________ (ed) 1989, Perspektif-perspektif dalam Pengajaran Bahasa Malaysia, Dewan Bahasa dan Pustaka (DBP) Kuala Lumpur.

_________________ 1978, The Teaching of Malay Affixes, Penerbit Fajar Bakti Sdn. Bhd., Kuala Lumpur.

Lado, R., (1976), Language Teaching: A Scientific Approach, Tata McGraw-Hill Publishing, Bombay.

Lim Kiat Boey (1975), An Introduction to Linguistics for the Language Teacher, Singapore University Press, Singapura.

Lufti Abas (1975), Tatabahasa Perbandingan: Predikat, Dewan Bahasa dan Pustaka (DBP), Kuala Lumpur.

_________________ 1976, Tatabahasa Perbandingan: Ayat, Dewan Bahasa dan Pustaka (DBP) Kuala Lumpur.

Mackey, W.F., (1978), Language Teaching Analysis, Longman, London.

Mashudi B.H. Kader ((1981), The Syntax of Malay Interrogatives,  Dewan Bahasa dan Pustaka (DBP), Kuala Lumpur.

Mohd. Taib Osman (ed), (1977), Pengajaran Bahasa dan Kesusasteraan Malaysia, Dewan Bahasa dan Pustaka (DBP), Kuala Lumpur.

Nik Safiah Karim (1978), Bahasa Malaysia Syntax, Dewan Bahasa dan Pustaka (DBP), Kuala Lumpur.

_________________ (ed), 1986, Bahasa Melayu Tinggi: Teori dan Penerapan, Dewan Bahasa dan Pustaka (DBP) Kuala Lumpur.

_________________ et al. (ed), 1982, Tatabahasa Dewan: Ayat. Dewan Bahasa dan Pustaka (DBP) Kuala Lumpur.

_________________ et al. (ed), 1989, Tatabahasa Dewan: Perkataan. Dewan Bahasa dan Pustaka (DBP) Kuala Lumpur.

Payne, E.M.F., (1970), Basic Syntactic Structures in Standard Malay, Dewan Bahasa dan Pustaka (DBP), Kuala Lumpur.

Raminah Hj. Sabran dan Rahim Syam (1985),  Kaedah Pengajaran Bahasa Malaysia,  Penerbit Fajar Bakti Sdn. Bhd., Petaling Jaya.

Richards, J.C. dan Rodgers, T.S. (1986), Approaches and Methods in Language Teaching, Cambridge University Press, Cambridge.

Rivers, W.M. (1981), Teaching Foreign-Language Skills, The University of Chicago Press, Chicago.

Sofiah Hamid dan Zaiton Ab. Rahman (ed), (1988), Ke Arah Keprofesionalan Guru Bahasa dan Sastera Melayu, Dewan Bahasa dan Pustaka (DBP), Kuala Lumpur.

Stern, H.H. (1983), Fundamental Concepts of Language Teaching, Oxford University Press, Oxford.

Wilkins, D. A., (1978), Linguistic in Language Teaching, ELBS and Edward Arnold, London.

_________________ 1981. Second Language Learning and Teaching, ELBS and Edward Arnold, London.