Sarawak menua ke agi ngembuan mayu kampung puang tauka kampung gun. Taja pia, Sarawak agi tinggal ba pengawa ngintu rampa menua ketegal kurang raban penerit adat ngintu kampung enggau jelu entara. Kelimpah ari nya, pemereti ati ba runding mensia mayuh mega agi kurang senentang pemesai guna rampa menua .
Pengidup sereta pemayuh jelu ke diau ba kampung Sarawak nyau majak kurang ninting taun ketegal pengawa mensia ke betebangka kayu sereta betanam sawit ba dandang besai serata nengeri.
Dalam taun 2000, ba nengeri Semenanjung maya nya suba nadai mayuh orang pedulika pengelikun rampa menua tang nyau manggai ba taun 2005 raban gerempung tauka orang ke ukai dikuasa perintah (NGO) udah nemu guna ngintu rampa menua lalu ngansak raban tuai politik nagang kompeni merimba kampung dikena alai betanamka sawit ba dandang besai.
Raban NGO udah mujur nyeliahka mayuh agi kampung ba semenanjung ari ka diperimba dikena betanam sawit bedandang besai lalu sida iya udah mujur ngintu pemanah rampa menua lalu pia mega ngintu pengidup jelu kampung.
Tanggung pengawa ke pemadu berat iya nya genap iku kitai mensia patut ngembuan pemereti ati deka ngintu rampa menua seraya kitai ngintu pengidup jelu babas ngambika enda pupus.
Ba menua Semenanjung, sida udah nambahka raban penerit adat ngintu pengelikun rampa menua ketegal deka ngetan pemanah kampung sereta pengidup jelu. Pengawa ti baka tu patut dipejalaika ba Sarawak mega.
Enti pengawa ngerusakka rampa menua tu mengkang dipejalaika, jelu ke nyau majak deka pupus nya nyengkaum jelu rimau, munsang, rusa, pelanduk enggau jelu bukai ke bisi ditemu idup ba kampung Sarawak.
Tiada ulasan:
Catat Ulasan