Presiden Balai Dagang enggau Industri Dayak (DCCI) Tan Sri Leo Moggie minta orang dagang bansa Dayak nyikap diri ngena penemusereta sama betulung ngulihka pemujur ba pengawa dagang. Orang dagang bansa Dayak patut bebai engkabung beliung bari kemuja ngambika gerenyam makai kukut, reti nya bebai sama meri tulung ngagai orang ke patut ditulung.
“Kitai patut ulih meretika enggau manah pengawa dagang enggau industri enti dekabaka orang bukai ti nyulut ba pengawa dagang,”ku iya bejaku ba pengawa bengkelNgangkatka Pengulih Pengawa Dagang Raban Orang Indu Dayak ti diatur DCCI ditu,kemari.
Taja pan kaban DCCI nya bisi peneleba ba dagang, sida ulih belajar mayuh agichara sereta bechuntoka raban bansa bukai ti udah mujur ba pengawa dagang, kuiya.
“Enti deka muka dagang, kitai patut ngemeran sereta ngemeratka ulah enggaujalai dagang,” ku iya.
Moggie madahka DCCI bekunsika chara dagang enggau sida ti bisi ati dekamujur ba pengawa dagang.
Iya ngingatka raban bansa nya, jemah ila bepanggai ba ekonomi wang lalu ukaisemina ngagai kebun bedandang besai ti dibuka kediri empu aja.
“Kitai enda ulih nganti laban dunya enda nganti kitai,” ku iya.
Moggie madahka orang dagang Dayak sama setipak enggau raban bansa bukailaban tiga ari sida menang gelar ninting taun orang dagang nengeri Sarawakberangkah ari taun 2009. Orang ti menang ke sekali tu iya nya Bansa Untang ti ngarika DCCI, iya nyaorang dagang ari menua Kapit.
(Dibali ari Utusan Borneo, 7 Oktober 2011)
Tiada ulasan:
Catat Ulasan