KFC

Nembiak kemaya hari tu kelebih agi ke ada sereta besai ba nengeri nadai enda nemu nama utai ke dikumbai KFC. Dipelabaka enti ditanya ngagai sida tu tentu semua sida nyaut nya bisi kaul enggau restoran, pemakai sereta enggau dagin manuk. Restoran tu mih di entara restoran ti ngubah budaya pemakai orang Malaysia. Enti kelia kitai tentu dianu sida ke tuai laban ngipung lauk baka dagin manuk, tang kemaya hari tu nyau nguder dagin manuk ukai ke lauk tang diipung begulai enggau ai manis. Nya alai sekali tu artikel tu nguji ngenangka cherita senentang restoran KFC.

KFC ditumbuhka Colonel Sanders dalam taun 1952 ngena nama Kentucky Fried Chicken. Taja pia, idea asal numbuhka chap tauka jenama tu bepun kenyau ari taun 1930. Dalam taun 1980, Colonel Sanders iya nya orang ke ngemunka restoran tu pulai ke Batang Mandai. Taja pan udah lama ninggal, tang nama Colonel Sanders tauka The Colonel agi mengkang lekat nyadi sebagi ari figura tulin ke agi bisi ba KFC.

Aspek tu mih ke dikeingatka mensia mayuh nyentukka sehari tu. KFC nya sebuah restoran ke ngembuan mayuh pampang sereta indu restoran iya ba Louisville, Kentucky, Amerika Syarikat. Restoran tu berengkah ngena nama pandak KFC dalam taun  1991 lalu nama asal kompeni tu iya nya Kentucky Fried Chicken  dalam bulan April 2007. Kelai nama tu bisi dikena ba papan tanda, kutak pemungkus enggau iklan ba menua asal nya di Amerika Syarikat dikena nyadika program meri nama baru ngagai produk tu.

Resipi resia The Colonel pegari ketegal penyamai dagin manuk ti bisi ngundan 11 bansa herba enggau rempah ti nyelai ti ngujungka sulu jaku ‘sampai nilatka jari’ agi meruan nyadi resia nyentukka sehari tu taja pan KFC udah nukar sulu jaku ngagai ‘so good’.

Di Malaysia, restoran KFC tu endang udah lama tebilang ba mata komuniti rayat Malaysia. Nitihka sejarah, KFC Malaysia berengkah muka kedai dalam taun 1970an. Restoran ti keterubah dibuka nya ba Jalai Tunku Abdul Rahman. Kenyau ari nya chap KFC terus mansang laban resipi produk iya ulih diterima semua lapis rayat Malaysia enda ngira umur enggau bansa.

Resipi manuk guring ti tulin sereta mayuh bengkah menu penambah bukai ti disediaka KFC ulih diterima rayat pupu bansa di Malaysia.

(Dibali ari Sinar Harian, 14 Mei 2011)