MIRI: Presiden Parti Demokratik Progresif Sarawak (SPDP), Tan Sri William Mawan Ikom minta sayap Pemuda, Wanita, Putera enggau Puteri parti nya mai mayuh agi bala intelek enggau profesional ke agi biak masuk parti nya.
Iya ngelalauka semua sayap SPDP patut nusun program tauka langkah rapat ti besistematik dikena mai mayuh agi bala nembiak rebak baru sereta ngeripotka pemansang nya dalam aum tiga taun sekali SPDP taun nyin ila.
Iya mega minta sida patut ngerapatka kaul enggau bala nembiak universiti tauka kolej ngambika mayuh agi raban nembiak rebak baru masuk parti tu lalu ngujungka sida tu nganti sida nyadi tuai parti jemah ila.
"Tuai parti ukai agi orang biak. Kami enda ditu selama-jaga lalu kami enda patut berasai takut ke raban nembiak rebak baru laban sida nya mih penggangti jemah ila. Beri sida peluang nyikapka diri," ku iya lebuh ke bejaku ba mua mayuh maya pengerami makai lemai ngintu ulang taun kesembilan SPDP ditu.
Iya madahka iya enda tentu irau enti dipinta ngatur struktur baru raban tuai parti tauka ngaturka forum ti engkeman dikena meri tempat ngagai mayuh agi raban nembiak baru masuk parti nya. - BERNAMA
Iya madahka iya enda tentu irau enti dipinta ngatur struktur baru raban tuai parti tauka ngaturka forum ti engkeman dikena meri tempat ngagai mayuh agi raban nembiak baru masuk parti nya. - BERNAMA
Tiada ulasan:
Catat Ulasan