KUCHING: Siku orang ti bempu stesyen minyak ba Debak pelilih menua Betong
ke didawa ngaga kelim palsu ngagai Opis Menteri Pengawa Dagang Dalam
Nengeri, Koperasi enggau Pekara Bebelika Barang (KPDNKK) udah diriman tiga hari berengkah kemari, ngambika dipansik.
Pekara nya diputuska Pemesai Pemansik Komiti Nagang Pengawa
Makai Suap Malaysia (SPRM) Mohamad Nizam Kalam lalu dikemendarka
Pengerejister Kot Abdul Razak Senawi.
Suspek diperintah direman nyentuk ke Hari Enam tu (18 Februari).
Kes nya dipansik nengah Seksyen 18 Malaysian Anti Corruption Act 2009
ke tau ditinggang ukum jil nyentuk ke 20 taun enggau ukum enda ngelui
ari lima kali lipat penyampau ke disuap tauka RM 10,000, nitihka
penyampau pemadu tinggi, enti ditemu salah.
Saspek ke beumur urung 60 taun lebih ditangkap pemesai SPRM di rumah
iya ba Batu 6 ditu ulih, pengudah ti enda mujur nangkap
suspek maya pengawa ngipa ba stisin minyak di Debak kena ke lemai Hari
Dua apin lama ti udah.
Suspek nya ditemu nganjung kelim palsu senentang pengawa
ngangkut minyak petrol enggau diesel ke projek “Community Drumming” ti
dijual ba Sri Aman enggau Betong.
SPRM udah ngerampas semua dokumen ti bekaul enggau pekara nya maya pengawa ngipa dipejalaika. Saspek nya kemari nadai diarika sebarang luyar. (Dibali ari Borneo Post Online)
Tiada ulasan:
Catat Ulasan