Pemuka Jaku

Pemuka Jaku
Niat ati penulis nengkebang siti blog ngena jaku Iban ngambika jaku tu enda lenyau mabun laya nitihka aki ini kitai ke Serawai Mandai Betangga Tunggang lalu pia mega awakka iya tau nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang. Laman tu ukai semina ngenang pasal pemansang jaku Iban di sekula enggau budaya bansa Iban tang mega ngenang pekara pasal pengerindu diau begulai sejalai sereta bekunsi tuju pengidup enggau mayuh pupu raban bansa ba Malaysia. Kepenudi bendar, laman tu dikarapka ulih nyadika penyanding penemu ngagai bala nembiak ke agi belajarka jaku Iban baikka iya di tikas sekula, institut pematih pengajar tauka universiti.
"Dikelala Buah ari Langgu, Dikelala Basa ari Penyiru, Dikelala Bansa ari Jaku"

Jumaat, 17 Februari 2012

Lalu bedau nemu 3M


KAPIT 7 Feb. – Raban pengajar Sekolah Menengah Kerajaan (SMK) Kapit, bisi bendar ngembuan pengirau ati laban penanggul nembiak pom satu ke lalu bedau nguasa pugu pengelandik  3M (macha, nulis enggau ngira).

Taun nyin kemari nembiak ke bedau nemu 3M iya nya kira-kira 20 iku tang taun tu angka nya nambah ngagai 30.

Pengetua sekula nya, Mr. Manggie Nyegang lebuh ke mantaika penanggul nya ba Aum Gerempung Apai Indai enggau Pengajar, madahka diri berasai tekenyit laban penanggul ti baka nya tau nekan sereta ngenusahka raban pengajar iya. 

Ku iya, penanggul tu nyadi penguji ke besai ngagai raban pengajar lalu pia megangagai nembiak nya laban sida tau mega berisiko kena tinggal dalam turai pelajar.

Iya alit ati baka ni sida tu tak ulih pas Ujian Pencapaian Sekolah Rendah (UPSR) enti sida enda nemu macha enggau nulis.

Kelimpah ari sida sekula, iya mega madahka sida Opis Menteri Pelajar mega patut meri perati ti berat ngagai penanggul tu lalu nguji ngiga jalan mutarka iya ngambika enda ngenusah sereta meri empas ti ngeatif ngagai prestasi.  – dibali ari utusansarawak@utusan.com.my
Posted by at
Labels:

1 ulasan:

  1. Ibantracker28 Februari 2012 pada 9:10 PTG

    Dini-dini sekula ke ukai Asrama Penuh pelaba aku bisi ngembuan penanggul nembiak ke baka tu. Ba sekula kami lebih kurang bisi 5 iku setiap taun nembiak enda nemu macha(3m). Penanggul tu patut dipansik bala ke landik pasal psikologi enggau pemansang untak/minda mensia.

    BalasPadam

Langgan: Catat Ulasan (Atom)