Nama
utai ke dikumbai daun bungkang? Kala kita ninga daun bungkang? Kala kita meda
daun bungkang? Kati kita ngelala daun
bungkang enti bisi tumbuh ba sebelah tebing rumah kita? Nya alai ke sekali tu
aku nguji ngenangka enggau ngelansa utai tumbuh ke dikumbai bungkang.
Bungkang tu sebansa utai
tumbuh. Kayu Bungkang mayuh tumbuh ba kampung di Sarawak. Iya tumbuh di bukit, ba emperan enggau sebelah
tebing sungai. Buah bungkang mesai leka lingkau sereta bechura mirah. Taja pia,
kurang lebih 50 taun ti udah orang Iban nyau berengkah nanam bungkang ba
belakang rumah kelebih agi sida ke diau ba nengeri.
Kantuk bungkang dikena ngulai lauk baka ikan, babi, manuk tauka jelu kampung. Tuju ngulai lauk enggau kantuk bungkang nya dikena ngasuh lauk nya nyamai diempa indah enda baka orang ke ngulai lauk enggau bichin. Mayuh orang Iban arap enti lauk pansuh enda digulai enggau kantuk bungkang, sida ngumbai nya ukai sumai pansuh ti tulin.
Kantuk bungkang dikena ngulai lauk baka ikan, babi, manuk tauka jelu kampung. Tuju ngulai lauk enggau kantuk bungkang nya dikena ngasuh lauk nya nyamai diempa indah enda baka orang ke ngulai lauk enggau bichin. Mayuh orang Iban arap enti lauk pansuh enda digulai enggau kantuk bungkang, sida ngumbai nya ukai sumai pansuh ti tulin.
Kantuk daun bungkang digulai ba lauk baka ikan kukus, sumai rangkai tauka dagin kelebih agi baka kasam. Kantuk bungkang nya kiraka baka bichin tauka aji-no-moto orang Iban. Daun bungkang tu ulih dijembui ba panas lalu tan disimpan. Nuan mega ulih meli daun bungkang ke udah dijembui ke udah disimpan dalam empelus. Daun tu bisi dijual ba tamu enggau rega seringgit sebungkus. Kelimpah ari ngenyamaika lauk, kantuk daun bungkang mega dikena muai bau lang dagin tauka ikan ti dipanduk.
Tiada ulasan:
Catat Ulasan