KUCHING: Menteri Kanan, Tan
Sri Dr James Masing madahka langkah rapat orang politik nyadi tuai gerempung
sosial ukai penemu ti pintar.
Ba penemu iya musuh ke endang
udah bisi deka nitihka sida kini-kini penunga sida mindah.
DBNA diatu diuluka tuai ke orang ke ukai akitif
dalam pengawa politik, nya alai iya
mujur ngempungka raban iya naka ke diatu. - TAN SRI DR JAMES MASING
“Nya alai ketegal tu,
penyerakup nya juluk ati ke mar dijapai,” pia ku Masing ke mega kala dipinta
sida SDNU mangku pengawa nyadi presiden tang ditulakka iya.
“Taja pia, aku ulih nyaup sida ari
belakang enti sida begunaka bantu ari aku,” pia ku iya.
Masing, ke mega presiden PRS
meri respons senentang kaban Menteri Kanan iya, iya nya Tan Sri William Mawan
Ikom ke dichiri mekuh pengawa nyadi presiden Sarawak Dayak National Union
(SDNU) dalam aum tiga taun sekali gerempung nya ke 33 kali Hari Enam tu tadi.
Mawan menang pantai penuduk presiden
gerempung Dayak maya pengawa bepilih gerempung nya. Iya nganti tuai ke dulu ari iya
nya Mengga Mikui.
Maya makai lemai sebedau aum
nya, Mawan madahka enti dipilih deka ngerapitka kaul entara gerempung Dayak
bukai ba baruh siti payung ngambika penyerakup komuniti Dayak nya tegap sereta
kering.
“Kitai raban exco SDNU patut
mai gerempung Dayak ke bukai enti kitai deka mansang. Kitai patut ngerembaika
gerempung tu.
“Kitai patut nyediaka komiti
pengawa dalam exco ke nyengkaum tuai-tuai ari semua gerempung Dayak baka Dayak Bidayuh National Association
(DBNA) enggau the Federation of Orang Ulu Malaysia (Forum),” pia ku Mawan ke
lalu mega presiden SPDP.
Pemujur Mawan dichirika
nyadi presiden SDNU diperatika langkah rapat ti strategik dikena iya ngulihka
sukung ari raban bansa Dayak. Pemujur tu taja pia ukai berita ke ngenyitka ati orang
mayuh laban Mawan endang dikerinduka mensia mayuh nyengkaum sida ke digantika iya
laban iya dipeda lurus sereta mega tuai ke nyamai enggau betemu.
Tang taja pia, Masing madahka
iya deka agi meda SDNU diuluka tuai baka Datu Ik Pahon Joyik, ke nyadi tuai
DBNA.
“DBNA diuluka tuai ke ukai
orang ke regas dalam politik, nya alai iya mujur ngiring gerempung nya sereta ngembuan raban ke beserakup
sereta kering,” ku iya.
Taja pan baka nya, iya ngarapka Mawan enggau
kaban exco SDNU ke baru nya mujur sereta gawa bebendar ngerapitka kaul semua
Dayak ba baruh siti payung. Ik Pahon nadai meri komen laban enda ulih dikontek.
Mawan ke mega nyadi raban SDNU
seumur idup endang regas dalam pengawa gerempung nya dalam timpuh 40 taun ke
udah. Maya aum tiga taun sekali ke 33 SDNU Hari Lima tu tadi, Mawan madahka
kebuah SDNU taja pan udah lama ditumbuh lubah bendar mansang laban raban ke
dalam gerempung nya kelalu bepuas ati sereta nadai meda gambar pemansang ke
besai agi dikena komuniti nya nyingkang ke mua. Dibali ari The Star
Tiada ulasan:
Catat Ulasan