Pemuka Jaku

Pemuka Jaku
Niat ati penulis nengkebang siti blog ngena jaku Iban ngambika jaku tu enda lenyau mabun laya nitihka aki ini kitai ke Serawai Mandai Betangga Tunggang lalu pia mega awakka iya tau nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang. Laman tu ukai semina ngenang pasal pemansang jaku Iban di sekula enggau budaya bansa Iban tang mega ngenang pekara pasal pengerindu diau begulai sejalai sereta bekunsi tuju pengidup enggau mayuh pupu raban bansa ba Malaysia. Kepenudi bendar, laman tu dikarapka ulih nyadika penyanding penemu ngagai bala nembiak ke agi belajarka jaku Iban baikka iya di tikas sekula, institut pematih pengajar tauka universiti.
"Dikelala Buah ari Langgu, Dikelala Basa ari Penyiru, Dikelala Bansa ari Jaku"

Sabtu, 14 April 2012

Jaku Punjabi Nyangka Diajar Di Sekula


Perintah besedia deka ngemendarka jaku Punjabi diajar di sekula enti sema iya bisi peminta sereta penyampau nembiak ke belajarka jaku nya chukup, pia ku Sapit Menteri Besai  Tan Sri Muhyiddin Yassin.

Muhyiddin ke mega Menteri Pelajar madahka enti pekara nya dipejalaika iya tau bendar meri penguntung ngagai nembiak Sikh belajarka jaku sida empu lalu pia mega bansa bukai mega ulih belajarka jaku nya setipak enggau semangat 1Malaysia.

“Beguna amat ngagai kitai semua belajar senentang orang bukai di menua tu laban iya ulih ngerapitka kaul kitai semua,” ku iya bejaku lebuh ti bejadika pengerami rumah tebuka Vaisakhi di Gudwara Sahib Sentul kemari. - Kosmo

Komen Pengarang Tempalai Kenang:
Jaku Punjabi tu taja pan enda diajar di sekula, iya semina diajar di kuil aja. Kategori mata pelajar tu dikumbai mata pelajar di luar KBSM. Jaku Punjabi tu bisi diperesa ba tikas PMR enggau SPM. Iya ke temu aku mata pelajar tu endang lama udah diperesa ba tikas PMR enggau SPM jauh dulu ari keretas jaku Iban tikas PMR enggau SPM. 
Posted by at
Labels:

Tiada ulasan:

Catat Ulasan

Langgan: Catat Ulasan (Atom)