KUALA
BERANG – Siku lelaki udah kena jel sehari sereta diukum mata duit RM2,500
ketegal enchuri lima pasang baju tusu ti dijembui di laman sebuah rumah di
Kampung Gaung kira-kira jam 1.30 pagi kemari.
Ulah nyelai
Nyam Kee Chie, 21 ke enchuri pekayan dalam indu ngujungka manjuk iya empu lebuh
Majistret Abdul Hayyi Salim ari Mahkamah Majistret Kuala Berang ngeletakka ukum
ti setipak enggau penyalah nya.
Nitihka
fakta kes, iya ti dituduh dipeda baka ke bisi utai ke enda tentu manah deka
digaga lebuh iya ngetuka kerita Perodua Kancil ba mua rumah orang indu sebedau
iya mujur diambat seraban orang ke diau
ba genturung menua nya.
Lebuh
ke ditan laki nya keterubah iya enda ngaku lebuh ke ditanya utai ke digaga ke
ngujung sida nya ngetanka iya. Nyau puas ke ditanya nya baru iya ngaku ngenchuri
pekayan dalam indu ti dijembui di laman rumah nya.
Sida ke
nangkap iya ringat bendar ke pekara nya lalu madahka hal nya ngagai polis. Ari asil
pemeresa, dia polis tetemuka lima pasang baju dalam ti sempat dichuri bisi ba
iya sebedau iya dibai ke Balai Polis Kuala Berang pagi kemari.
Pendakwa
kes nya, iya nya Pegawai Pendakwa Cif Inspektor Tuan Rosnah Tuan Husin lalu iya
ke dituduh nadai diarika luyar. - Kosmo
Tiada ulasan:
Catat Ulasan