Pemuka Jaku

Pemuka Jaku
Niat ati penulis nengkebang siti blog ngena jaku Iban ngambika jaku tu enda lenyau mabun laya nitihka aki ini kitai ke Serawai Mandai Betangga Tunggang lalu pia mega awakka iya tau nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang. Laman tu ukai semina ngenang pasal pemansang jaku Iban di sekula enggau budaya bansa Iban tang mega ngenang pekara pasal pengerindu diau begulai sejalai sereta bekunsi tuju pengidup enggau mayuh pupu raban bansa ba Malaysia. Kepenudi bendar, laman tu dikarapka ulih nyadika penyanding penemu ngagai bala nembiak ke agi belajarka jaku Iban baikka iya di tikas sekula, institut pematih pengajar tauka universiti.
"Dikelala Buah ari Langgu, Dikelala Basa ari Penyiru, Dikelala Bansa ari Jaku"

Selasa, 3 April 2012

KMKK diperansang ngemeratka muzik tradisonal


KAPIT: Menteri Muda ba Opis Kepala Menteri, Datuk John Sikie Tayai ngarapka Kelab Muzik enggau Main Asal Kapit (KMKK) ngemeratka pemansang muzik tradisional ngambika enda punas sengapa.

“Aku arapka kelab tu ulih mantu ngetanka muzik lama ba dunya ke moden diatu. Nembiak rebak baru majak mayuh enda ingatka sereta jarang dibantaika enggau muzik asal bansa kitai.

“Nya alai, nengah kelab tu kelab kitai ulih ngiring sereta mantaika muzik asal ngagai nembiak rebak baru nengah program baka bengkel sereta kelas baka ke kala dipejalaika Serakup Indu Dayak Sarawak ke ngatur kelas Ngajat,” ku iya lebuh ke bejaku ba Pengerami Merarau ba rumah Chairman KMKK, Dixon Naga, ditu empai lama ke udah.

Iya ke nyadi Menteri Muda Adat Bumiputera enggau Hal Ehwal Penan sereta Menteri Muda Perintah Menua mega nyuaka geran RM 5000 ungkup KMKK.

Berebak enggau nya, raban komiti KMKK mantaika pengaga ati ketegal sukung enggau pemeri ari bala pengari rayat ngagai kelab nya.

“Pemeri ari bala ketuai tu dikena nyaup kami (KMKK) ngatur mayuh bengkah aktiviti dikena nyapai juluk numbuhka kelab tu,” ku Chairman KMKK, Dixon Naga. – Utusan Borneo
Posted by at
Labels:

Tiada ulasan:

Catat Ulasan

Langgan: Catat Ulasan (Atom)