Lebuh keterubah ninga pangan aku mesan French fries
ba restoran pemakai jampat suba, aku enda
naga french fries nya ke dikumbai gentang guring. Maya nya aku sigi naga pemakai
nya endang bedau kala diempa aku.
Nama kebuah gentang guring dikumbai french Fries? Lapa enda disebut fried
potatoes aja?"
Asal leka jaku French fries bisi kaul enggau Thomas
Jefferson, Penulis Deklarasi Merdeka sereta Presiden ketiga Amerika Syarikat tu
nyebut gentang guring nya "potatoes,
fried in the French manner". Jefferson nya mih ke dulu madahka
pemakai ke diguring orang Perancis dalam pengujung taun 1700-an French fries.
Taja pia French fries ukai semina dikumbai pemakai orang
Perancis aja laban bisi orang menua bukai
mega ngambu nya pemakai sida.
Orang Belgia mega ngambu asal penatai gentang guring nya endang ari enggi sida. Nitihka
sida, gentang guring nya udah lama pegari ba pelilih menua Belgia kenyau
ari taun 1680. Leka jaku
"French" nya empu nitihka sida Belgia, berengkah dikena maya
soldadu English enggau Amerika datai di
Belgia maya Perang Dunya I. Agi mega soldadu Amerika enggau English tu biasa ngangau
sida "French" laban maya nya
soldadu Belgia nguna jaku Perancis nyadika jaku rasmi sida. Baka nya ku munyi
cherita orang Belgia.
Nyadi, ni ke betul nya ke diempa kitai nya French fries
tauka Belgian fries?
Tiada ulasan:
Catat Ulasan