KUALA TERENGGANU - Taktik jai siku
lelaki ke ngelalaika undang basah curi dalam baju ke dikena iya, kena panjuk
iya empu lebuh iya ditangkap.
Apai ngagai dua anak nya, Mohd Hamzah Mohd
Nor, 31, ari Kampung Baru Seberang Takir, ditu, dipejal kena jil dalam rumah
pasung sepengelama tujuh hari lalu dikena tinggang ukum mata duit RM1,800 ulihh
Kot Majistret, kemari.
Ukai semina nya aja, Mohd Hamzah ke bekereja nyadi kuli mega nyangka diukum jil dua bulan enti iya enda ulih mayar ukum nya.
Ukum nya diletak ngagai iya udah iya ke ngaku diri salah enchuri undang basah seberat 1.202 kilogram berega RM24.03 ari Pasar raya Mydin Mall, Jalan Sultan Mahmud, ditu, kira-kira jam 3 lemai kena 8 April tu tadi.
Iya ke dituduh ngaku ngaga penyalah nya di baruh Seksyen 380 Kanun Keseksaan ketegal enchuri dalam rumah.
Pendakwa kes nya Pegawai Pendakwa, Inspektor V Ravi ba mua Majistret Rozianti Mohamed Hanaphi tang iya ke dituduh nadai diarika luyar.
Bepelasarka fakta kes, pengawa iya ke dituduh ditemu penyaga pengelikun ti gawa maya nya lalu terus madah ke pangan ke sama enggau gawa ngasuh iya nganti di luar pasar raya.
Taja pia, iya ke dituduh mujur ditan di kedai ti enda jauh ari endur nya lebuh iya nengah pintu pengimbas.
Iya ke dituduh udah nya lalu dibai ke bilik penyaga pengelikun lalu ngaku enchuri undang basah nya ke dilalaika iya ba dalam baju iya sebedau iya diserahka ngagai polis. – Sinar Harian
Tiada ulasan:
Catat Ulasan