BOGOTA: Siku nembiak mit Colombia
ke berumur 10 taun bisi ditemu ngasuh orang mayuh balat muras ketegal iya ke
udah nyadi indai ke pengabis biak di dunya udah ti ditemu beranakka siku anak
indu.
Nembiak mit nya asal bansa Wayuu
di Semenanjung La Guajira, ngandung 39 minggu sebedau ti dibuntas nengah chara Caesarean.
Tu keterubah iya nembiak ke berasal ari bandar Manaure, ngusung doktor ketegal betubuh bisi.
Iya diripotka datai di hospital mai
tubuh ke bedarah seraya ke nyabak ketegal pedis deka beranak.
Doktor mutuska penemu deka muntas nembiaknya taja pengawa tau bendar mai nyawa ngagai nembiak nya. Taja pia nembiak nya enggau anak iya ke berat lima paun mujur diselamatka tang indaiiya enggai nusuka anak iya nya.
Seduai iya diatu agi di hospital ke endur iya enda dipadahka ngagai mensia mayuh.
Taja pan polis Colombia ulih
ngeletakka ukum belalauka undang-undang ngagai apai anak nya ketegal beleman
enggau orang ke baruh umur tang undang-undang menua nya mega meri jamin
autonomi ngagai komuniti Wayuu.
Undang-undang menua meri pemendar ngagai bansa nya idup nitihka waris budaya sida empu lalu siti ari budaya nya beranak maya umur ke agi biak.
Taja pia, raban bansa nya enggai
mansutka apai anak mit ke diada nya. Sekeda surat berita Colombia melabaka nembiak nya beumur 15 taun. Bisi
mega sekeda arap umur orang nya 30 taun.
Kes tu dipejah Pengarah Hospital endur nembiak tu beranak.
“Tu ukai keterubah iya kami nerima kes ti baka tu. Nembiak mit tu patut iya agi bemain anak patung, tang utai ke nyadi sida nyau dipejal nyaga anak sida,” ku Efrain Pacheco. – Harian Metro
Tiada ulasan:
Catat Ulasan