Angka penyampau orang Katolik di atas nya diambi ari semilan buah Arch/Diocese di Malaysia. Statistik rasmi ti pengabis dudi diambi ari Diocese Miri madahka penyampau orang Katolik dia dalam taun 1990 iya nya 56,774. Dalam taun 2010, diocese nganggarka bisi 75,000 Katolik.
Ari angka nya, mayuh archdiocese mandangka pemansang ari penyampau orang Katolik tang pemansang nya semina mayuh agi nyadi ba menua Sabah enggau Sarawak ke alai nyau semak 70 per cent penyampau orang Katolik ba menua tu. Taja pia Archdiocese Kuala Lumpur mega mandangka penyampau orang Katolik betambah ari 92,625 dalam taun 1999 ngagai 167,000 dalam taun 2010. Sebagi ari kebuah iya nya ketegal ari pemindah orang Katolik Sabah enggau Sarawak ke Kuala Lumpur, Selangor enggau Negeri Sembilan ketegal nampung pelajar tauka bekereja.
Besenutuk enggau nya, penyampau orang ke masuk seminari di Semenanjung Malaysia udah nurun ngagai 15 dalam taun 2010 ari 22 dalam taun 1999. Tang di Sabah, angka rasmi mandangka bisi penambah ari penyampau orang nembiak Katolik ke masuk semina iya nya ari 39 seminarians dalam taun 2010 enti dibandingka enggau 23 dalam taun 1999. Ba Sarawak, angka penyampau sida seminarian bisi nurun (Archdiocese Kuching Diocese Sibu dipegulaika) ari 13 taun 1999 ngagai 6 taun 2010. Penyampau ari Diocese Miri agi bedau bisi angka rasmi.
Ari taun 2010 penyampau orang Malaysia nitihka itung tubuh rasmi perintah iya nya 28,334,135, lalu ari nya 9.2 per cent nya Kristians ti bepenyampau 2,606,740. Orang Katholik bisi 40 per cent ari penyampau Kristian ba menua tu. – Bali ari Herald Malaysia
Tiada ulasan:
Catat Ulasan