Pemuka Jaku

Pemuka Jaku
Niat ati penulis nengkebang siti blog ngena jaku Iban ngambika jaku tu enda lenyau mabun laya nitihka aki ini kitai ke Serawai Mandai Betangga Tunggang lalu pia mega awakka iya tau nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang. Laman tu ukai semina ngenang pasal pemansang jaku Iban di sekula enggau budaya bansa Iban tang mega ngenang pekara pasal pengerindu diau begulai sejalai sereta bekunsi tuju pengidup enggau mayuh pupu raban bansa ba Malaysia. Kepenudi bendar, laman tu dikarapka ulih nyadika penyanding penemu ngagai bala nembiak ke agi belajarka jaku Iban baikka iya di tikas sekula, institut pematih pengajar tauka universiti.
"Dikelala Buah ari Langgu, Dikelala Basa ari Penyiru, Dikelala Bansa ari Jaku"

Selasa, 24 April 2012

Penyampau bangkai enda diambi ba sepital perintah majak niki


Penyampau bangkai orang ke mati ba sepital perintah ke enda diambi bala kaban belayan serata Malaysia majak niki iya nya sepenyampau 304 iku ba taun nyin kemari enti dibandingka enggau 299 iku ba taun 2006.

Menteri Pengerai Datuk Seri Liow Tiong Lai ari penyampau ba taun 2011 nya, bisi 195 iku bangkai lelaki tuai, 58 iku bangkai indu tuai enggau 51 iku bangkai nembiak mit umur kurang ari setaun.
Hospital Sultanah Aminah, Johor Baharu pengabis mayuh ngembuan bangkai mensia ke enda diambi iya nya 60 iku.

Ba taun 2006, bisi 202 iku bangkai lelaki tuai, 43 indu tuai sereta 54 iku bangkai anak mit enda diambi bala kaban belayan.

Opis Forensik Sepital Kuala Lumpur pengabis mayuh ngundan bangkai mensia ke bedau diambi iya nya 98 iku.

Bangkai ke enda diambi, deka disua ngagai Opis Pengarap Islam tauka gerempung pengarap pemati ngambika diintu ba atur ke penudi nitihka pengarap pemati nya empu.

Ku Liow, enti sema bisi peminta, bangkai ke enda diambi nya deka disua ngagai palan pelajar tinggi ngambika dikena nyadika barang pansik ungkup pengawa pelajar enggau pengawa pansik ba bidang perubat. — Bernama
Posted by at
Labels:

Tiada ulasan:

Catat Ulasan

Langgan: Catat Ulasan (Atom)