KUCHING:
Sarawak Dayak National Union (SDNU) diperansang majak nyingkang ke mua
lalu meretika pengelemi ke lama ngambika gerempung nya mengkang relevan
ngagai raban bansa Dayak.
Presiden
SDNU ke baru, Tan Sri William Mawan ngansak semua raban meratika semua
pengelemi ke udah ditapi ngelamatu sereta diputarka enggau lengkas ngambika tau
mulaika pengering enggau penegap dalam gerempung.
“SDNU
patut majak nyingkang ke mua. Nemu semua penanggul ke kala ditapi ngambika tau
mengkang relevan ba mata raban bansa Dayak.
“Program
begulai enggau gerempung Dayak bukai sereta NGO ke ngembuan juluk ke sebaka
patut diadu ngambika tau ngentapka penuduk bansa Dayak,” ku iya.
“SDNU
tu mai reti ti besai. Kitai tau matak raban gerempung Orang Ulu enggau Dayak
Bidayuh National Association (DBNA) begempung enggau kitai,” tandu iya.
 |
| SDNU nyadi payung gerempung Dayak bukai? |
Mawan
mansutka jaku tu ba siti aum pengarang berita sepengudah Aum Besai Tiga
Taun Sekali ke-33 Sarawak Dayak National Union alai iya udah dipilih nyadi
Presiden nganti penuduk Mengga Mikui ke udah mangku pengawa nya sepengelama
lima taun.
Iya
madahka, nengah pengawa ti begempung enggau OUNA, DBNA sereta NGO ke bukai,
SDNU tau nyadi siti gerempung ke bejalaika pengawa ngenataika peneka enggau
peminta raban bansa Dayak.
“Tu
beguna amat ngagai kitai bansa Dayak seraya kitai nyingkang ngagai dunya baru.
“Kitai
deka meda Dayak dikelai mansang ba pengawa rama, adat enggau main asal sereta
pia mega ba atur ekonomi,”ku iya.
Ba
Aum Besai Tiga Taun Sekali ke-33 SDNU kemari, Kaban Parlimen Kapit Datuk
Alexander Nanta Linggi dipilih mangku pengawa Sapit Presiden nganti Dr. John
Bryan.
Penuduk
bukai, Vice Presiden I Anthony Banyan, Vice Presiden II Dato Sri Empiang Jabu,
Vice Presiden III Edward Awan, Sekretari Besai Kilat Beriak, Sapit Sekretari
Besai Thadeus Ling, Treasurer General Christopher Gira, Sapit Treasurer General
Jackson Ding Jaraw lalu Publicity Officer Gancha Jita.
Raban
komiti SDNU ungkup renggat 2012-2015 iya nya Chambai Lindong, Augustine
Merikan, Rossie Siduk, Steven Rom, Dr. Gluma Saban, Robin Jimbai enggau Datuk
Dr. Anthony Nait. – Dibali ari Utusan Borneo
Tiada ulasan:
Catat Ulasan